A anyenwa obooloha eshi vati a kwata okaana kokamati onghonga

Omulumenhu weedula 44 Nealen Jacobs okwaanyenwaoboolohaonghelamomhangu yaKatutura konima eshi vati a kwata okaana kokamati keedua nhatu onghonga

Omaandaxa moshanga shomutenya molukanda Otjomuise moWindhoek.

Omutamanekwa ota pangulilwa oshibofa shekwatonghonga noshibofa shaye osha undulilwa komafiku 13 Juli neudo.

Omupopiliko wopolifi moshitukulwa shaKhomas Warrant Silas Shipandeni okwa hokolola ta ti okaana oka hangika ke li pondje komufekelwa ndele te ka twala monduda fiyo te ka longele oilonga youshada eshi a ya nako moixulo.

Lopokati opo omunyeumbo umwe nokamatyona ova kwatwa po onghela moshitukulwa shaShana mekwatafano loibofa yomakwatonghonga a ningilwa ounona voukadona vavali.

Omunyeumbo weedula 52 okwa kwatwa po eshi vati a kwata okaana kokaadona keedula 14 momukunda Ondilinawa Omaandaxa.

Opolifi moshitukulwa shaShana oya hokolola tai ti omufekelwa okwa hanga okaana ta ka ende mondjila ka uka keumbo lavo nokonima omufekelwa okwa nukila okaana ndele ta tameke oku ka ningila omatilifo ta ti kutya ote ka dipaa ngeenge inaka hala vaye nako moixulo.

Opolifi oya hokolola tai ti omufekelwa ohadi meumbo limwe nanakuninga oshihakanwa ongaa e li xekulu wokaana.

Okamatyona keedula 17 nako oka kwatwa po komukunda Oidiva eshi vati a kwata okaana onghonga kokaadona keedula 11.

Opolifi oya ti omufekelwa okwa li ta lifa oikombo mekove lambulavo nokonima eshi a mona okaana kwe ka nukila ndele ta i nako moixulo koshi yomuti.

Oonakuninga oihakanwa aveshe ova twalwa koshipangelo opo va ka ningilwe omakonako opaunamiti.

Omakonakono opolifi otaa twikile moibofa aishe yomakwatonghonga.

– fhamalwa@nepc.com.na