Mukarelipo kuna hara vantu vendi vavamangurure
Mukarelipo vagazarerwa gumwe gontundiliro zaRussian Alexander Krylof ntani muNamibia Anna Katrina Engelbrecht gonomvhura (31) moutatu wakapita, kwapulire mupanguli Claudia Claasen asi amangurure vantu ava morwa kapi vana vagwana epuko koyo vavagazarera.
Illeni Velikoshi yige kageve umbangi asi epangero kapi lina kara nombangi dogoro ngesi oyo vavarapotera yna kara usili kwava vagazarerwa vavali ava, yipo asi vahepa kuvamangurura. Krylof naEngelbrecht kavavagwene asi kwato epuko, komaumbondo ogo vavarapotera gokusika ko 23 gokukwatera kononkondo ano aga 16 gokuhenesa vantu vavatware kosirongo peke omu vana kulisinda ngano nokukara kumwe panyama, muna hamene vatano wonomvhura dononsensu moWalvisBay kutunda mwa Murongagona –Sikukutu 2017. Krylof age kapatanene asi kapi gayidivire asi vanona ow okapi vapitakanesa nomvhura 16, age kwamutanterere asi awo ngesi nomvhura 17 ntaantani vagwanese 18.
Velikoshi katente asi morwa mukaro nye ogu guna kara asi kuna hamenemo kukara kumwe panyama,omu yakere asi vanona kadona owo kwahere kulihameseramo vene, makura veta nye zokutanta asi kwavakwatera kononkondo kapi zina kara po apa, makura epangero kapi lina kara nonkonda nkenye kuhamena ekwatero kononkondo.
Awo kwayitere nawa nawa asi kukwama veta neyi ana kurugana ogu Krylof yahalirwanesa nampili nakauke noveta ezi zina karapo ngesi zokukwatera kononkondo morwa awo vahepa kuzikwama moomu zina kara. Epangero kwatanta asi vanona ava kwakara woruhepo ntani vanona gona unene morwa nomvhura daw okapi tavalihamesere momukaro gwangoso. ‘’Ozo yizo nye ntambo epangero zina gusa mokutanta asi sirapotwa esi vahepa kusitarurura momunene omu Velikoshi ga hal ih ames era mo,yim on go so ana kutanta. Mokutwara nye vanona ava ponze sirongo morwa kukakara kumwe panyama, hawe epangero kapi lina gavako umbangi nkenye kompanguro.
Vanyandi navenye ava vana kugazarera kavetente asi awo kwazire kembo lya Krylof pwavene,ntani kwavapere asi vana kara nononkondo pwavene nepu vana hara kutundapo. Palmer Khumalo, ogu kakarerepo epangero, katente asi yirapotwera yovantu ava kuna kara yousili kapisi asi yigazarerwa tupu.
Age katente asi Engelbrecht gayidivire asi kwatere vanona ava kembo lyaKrylof vakavaruganese, eyi yina kara noumbangi asi vanona gona ava kwakavatwere kosirongo peke. Eyi yina kara asi Krylof kwahovere kupura ogu gamuvaterere asi gahepa kureta vanonagona wonomvhura dononsensu nare yina moneka asi etjingiso vanononagona lina karapo apa. Khumalo age asi malikwamo nagenye age kwahamenenemo vanonagona, omu vakere nye negano asi vasikisemo eharo lyawo mokukara nawo panyama.
Nampili ngoso age, kuna kutanta asi Krylof kuhepeka unene vanona kadona vana kuparuka noudigu, ava vapira kudiva simpe eparu. Veta kwakarerapo asi zipopere vanonagona owo vana kara nomvhura nonsense ntani kapi tavavhuru kutura etokoro pwavene. Engelbretch ogu ana kara asi kwakere meharo kumwe naKrylof ngesi kuna kumuruganesa nye apapare vanona gona ngwendi wowo vatano, vana kara asi nomvhura dawo 15 no 16 ngoso vakare kumwe naKrylof omu vavatwere nye akakare kumwe nawo panyama. Navenye Krylof na Engelbrecht ngesi kava pwage omu kavavapere erondoro.
Mupanguli katente asi age ngagava etokoro lyosirapotwa esi, mokwedi kwaMurongankuru 2023,13 .