Oshikukuta sha thiminike aanafaalama ya fandithe po iimuna yawo

Nena esiku lyomalanditho komatala gaKimana geli moKajiado, muumbangalantu-ninginino waKenya.

Kehe omunafaalama ota kambandhala opo a thikame mpoka e wete kutya opo tapu nana aalandi.

Monakuziwa aanathaalama mbaka mesiku ngaa ndika ohaya zi ko komalandithilo taya yolele ketayego, ashike muule woomwedhi dha piti, onkalo oya kala ya yaga kegonga. Ondando ndjoka taya landi tha po iimuna yawo oya fa owala taye yi gandja po oshali. Ongombe yimwe ngashingeyi otayi vulu oku landithwa nando oko $10 (N$148. 90)

Ngashingeyi oomvula mbali dha landulathana sho omvula inaayi loka nawa moshilongo shoka, nonkalo yuunapelo wiimuna oya nayipala noonkondo.

Oongombe dhimwa otadhi tumbwa, ndhimwe otadhi sile owala pomahala gomalandithilo mpoka ooyene yiimuna ya tegelela aalandi. Ashike aanafaalama mboka ye na iimaliwa yoku palutha iinamwenyo yawo oku za moondjato yo otaya longitha ethimbo ndika oku landa iimuna taya ningile komasiku gokomeho sho onkalo tayi ka hwepopala.

Omunafaalama James Ndondoti ota ti ye okwe shi pondola oku landa po oongombe ne pomalandithilo. Ndhoka oonene okwe dhi landa ko$150 (N$2233), adhihe kumwe, nokatana, eka landa ko $80 (N$1190). Ta ti ngele onkalo yoshikukuta oya kala nawa otaka vula oku landitha po iimuna mbyoka kondando yili nawa, yili pokati ko$300 no$500 (N$4500 noN$7500) mukehe oshimuna.

“Otwa kala hatu mono oshikukuta ethimbo nethimbo, ihe shika shonuumvo inatu shi mona nale. Iimuna yetu otayi si molwaashoka kapu na omwiindhi woku napa… paife katu na nkene, otatu yi fanditha po owala oshoka otu na omagumbo omaluvalo getu oga pumbwa oku lya,” omunafaalama gumwe ta ti ngaaka.

Omasiku ngaka okwa lokwa omata omanini, ashike aanafaalama mbaka oye na etumwaumbwile kutya onkalo ndjika ondhigu otayi hala oku hula.

Ashike natango yo niimuna yawo oye na oku tegelela konyala uule womwendhi opo omwiindhi wu koke, shoka tashi ya etele eikwato pomutima, noye li momalimbililo ngele otapu ka hupa tuu nande ongombe yimwe. –BBC