Okaana kofikola ka kwatelwa onghonga mondjila
Okaana keedula 11 vati oka kwatwa onghonga komulumenhu wopomukunda wavo pefimbo kwa li ta kadi kofikola.
Oshiningwanima eshi osha ningwa momukunda Oshitutuma mos hi k and jo hoolol os ha S hi ku ku, mos hitukul wash aM us a ti pokati komwedi Kotoba naNovomba efimbo lomoshanga shomutenya moixwa.
Os hitukul wash aM us at io sh os him wes hi naou non av as hon a va ninga oihakanwa shokulongelwa ominyonena dopaixulo eshi hava kala tava kwatwa onghonga noku pewa omateelelo kovalumenhu.
Omukonakoni woimbuluma wopolifi moshitukulwa shaMusati omupedu Commissioner Moses Simaho okwa hokolola ta ti omufekekwa okwa nukila okaana ndele ta ka ningile omatilifo kutya ote ka dipaa ngeenge ina ka hala oku ya naye moixulo.
Vati okudja opo omufekelwa okwa faduka po nokonima okaana oka lombwela ovakulunhu keumbo kutya okwa kwatwa onghonga komulumenhu wopomukunda wavo.
Okaana oka twalwa koshipangelo opo ka ningilwe omakonakono opaumamiti noshoyo omayakulo exungomwenyo.
Natango moshitukulwa shaMusati omwa lopotwa okakadona keedula 12 oka kwatwa onghonga vati kumumwainamati weedula 22 ndele ta ka pewa eteelelo.
Opolifi oya ti okakadona paife oke na eteelelo lemwedi natu, vati ko oka kala nokukwatwa onghonga loikando ihapu.
Oshiningwanima eshi osha ningwa pokati komwedi Juli naJuni komukunda Oikango mos hi kandjhoo lo lo Out api,m os hitukulwa shaMusati meumbo lavo.
Opolifi oya kumaida oshiwana opo shi kale alushe tashi lopota o ibo fas ho mak wat ongh on gapefim bosh a a shies hiot as hi kwafele opolifi i kale ya ninga omakonakono noupu.
Eshi a kwatafana naKundana minista woukashike kookanhu nonghalo nawa yokaana Doreen Sioka okwa ti ovalumenhu tava ningile ovakainhu nounona ominyonena dopaixulo ova pumbwa okupewa ehandukilo lopaveta op ova ninge oshihopaenenwa sha vakwao.
Okwa ti ovalumenhu otava longo oilonga tai fifa ohoni eshi hava kala tava i moixulo nounona ve na eedula ina di fika.
Okwa ti kape na omulumenhu e na oufemba wokukala aya moixulo nounona va shona onghee ku keshe ou teshi ningi ota kala a kwatwa po diva.
“Paife omulumenhu ou okwa ya onghalamwenyo yokaana moshipala shaashi ita ka dulu vali oku li honga nelitulemo onghee osha nyika oshiponga ngeenge okaana ke li mofikola ka kwatwa onghonga,” minista ta ti.
Okwa kumaida ovadali opo va xulife po okukala tava e fa ovalumenhu tava i moixulo nounona vavo shaashi eshi oshi li omahepeko omomaumbo.
Okwa weda po ta ti ovalumenhu ve li mekwatafano lopaihole nounona va shona nava lopotwe keembelewa doukashike kookanhu nonghalo nawa yokaana. fhmalwa@nepc.com.na