Efundja muuninginino waAfrica lya guma onkalo yiikulya
Souloukna Mourga okwa ende mepya lye ndyoka lya hanagulwa po kefundja muumnangalanth waCamerron, ta tona mo iinima mbyoka ya thigwa mo. Konyala oohekita hamano adhihe odho na iimeno ya sa, yi li kohi yomeya.
Omusamane nguka gwoomvula 50 e na aanona 12,oye gumwe gwomaantu ya adha poomiliona ne, miilongo ya ko da pomulongo muuninginino osho wo mondingandinga yaAfrica mboka ya mono iikunonwa yawo ya hanagulwa po kefundja.
Efundja olya dhipaga iimeno oyindji, omanga Konyala oohekita dhevi oomiliona yimwe yi li kohi yomeya moshitopolwa, moka oonzo dhevi dha kungululwa po na inaku tegelelwa eteyo omumvo tagu ya.
Momudhingoloko gwaMourga pomukunda Dana, ngoka gu li popepi nimulonga gwa gwedhina Logone ngoka gwa tula Cameroon naChad pokati, oohekita dhiikunomwa omathele, pamwe momagumbo no ondunda odhi li kohi yomeya.
“Kandi na we shoka ndi na. Otwa taalela ondjala. Ondi na aakulukadhi yaali naanona 12. Omeya oga faalela kehe shimwe,” Mourga ta ti ngaaka.
Ookilometa 300 muumbangalantu waDana pomilonga dhaLohone na hatu moChaf, osha pula Bernadette Hainging (37), oowili mbali mokawato opo a adhe epya lye lyomapungu ndyoka lyi li kohi yomeya moKournari, muumbugantu woshilandopangelo shaChad.
“Shoka nda hupitha mofaalama itashi vulu okuyambidhidha ofamili uule womwedhi. Shoka shi li po, otatu ka sa kondjala mokwenye,” ta ti ngaaka. Konima ye fundja, muuninginino mondingandinga yaAfrica omu na onkalo yondjala,osho Sib Ollo gwoWorld Food Programme a ti ngaaka.
Oluteni olule omvula ya za ko, iikolokosha moshitopolwa shaSahel mbyoka ya tukitha Konyala aantu eemiliona hetatu, oyendji aanafaalama, shoka sha eta uupyakadhi wuunamapya, osho wo iikolokosha moUkraine mbyoka ya eta oompumbwe yuuhohi moshitopolwa, ayihe mbika oya eta eteyo lya nkundipala.
“Onkalo ombwiinayi,”Ollo ta ti ngaaka.” Shika oshe tu tula koshikungulu oshinene noonkondo.” Omwaalu gaantu mboka ya pumbwa iikulya moshitopolwa ogwa adha poomiliona 40 manga efundja lya li inaali ya, oshi Kouacou Dominique Koffy gwehanhano lyokukwathela monkalo dha nika oshiponga muuninginino waAfrica ta koleke ngaaka. Koffy ta ti oopelesenda 80 dhaantu mboka dhaanafaalama oya tembuka, no tashi ka pula ethimbo omeya ga pwiinine opo ya tameke okulima itshewe.