Afghanistan: Omuleli gwoTaliban a pula oveta yoSharia
Omuleleli gwongundu yoTaliban Haibatullah Akhundzada okwa lombwela aapanguli Aafghan opo ya tameke oku kwatela mo oveta yoSharia moompangu ndjoka tayi ka pula opo aakayuli-nyanga yaka tetwe iilyo yolutu montaneho yaantu, nosho wo oku dhipagwa nomamanya.
Omupopiliko gwe okwa ti omiyonena ngaashi omunyeka kwa homatiwa, ekwato mbambyona, nayikwawo yilwe nayi geelwe sha ikolelela koIslamic Sharia law.
Pethimbo Aataliban yali koshipundi poomvula dho1990, oyali ya yembwa kuuyuni omalwa omukalo gwegeelo ngoka ya kala taya longitha.
Oyali ya umvaneke kutya otaya ka yululula ko kooveta dhawo sho yeya koshipundi omumvo gwazi ko.
Ihe aakwiita mbaka Aaislam oya kutha po emanguluko olindji noya tameke oku yonagula uuthemba gwomuntu.
Aaleli yoTaliban aakuluntu oya ti aapanguli naya tameke oku gandja omageelo ga yaga komuntu kukehe ngoka taka longa shi li kondje yoveta.
Omupopiliko gwoTaliban Zabihullah Mujahid okwa li a nyola koTwitter kutya elombwelo ndjoka nali i uthwe kulyo oku za tuu esiku Mullah Akhundzada a yi momutumba naapanguli.
"Konaakoneninawaomapekogaavuthi, aakwati mbambyona naadhipagi," Mujahid ta ti.
Omiyonena ndhoka tadhi popiwa inandhi thamunwa nawa nawa, ihe aaleli yamwe moAfghanistan oya ti, kohi yo Sharia law, egeelo ndjoka otali vulu oku kwatela mo oku teta omuntu iilyo yolutu, okudhengwa noongola mokati kaantu noku ndhipagwa nomamanya.
Elombwelo ndjoka olyo limwe lyomoondombwendi ndhoka tadhi holola kutya Aataliban kaye na ethimbo nuuthemba gwomuntu.
Okuza oshiwike shazi ko, aakiintu oya li ya ndindilwa oku talela po omahala gomainyanyudho. Shika osha gwedhele komaindiko gaakiintu oku talela po omahala gaayehe mwa kwatelwa uundjugo osho wo omahala gomadhewo gomalutu.
Aakiintu oya tindilwa wo oku enda iinano iile kaaye li naalumentu. Aanona yaakaadhona oyendji miitopolwa yimwe moshilongo inaya shuna moosikola nonande Taliban a li a uvaneka kutya otaya shuna mo.
Nonande aakiintu yamwe oha ya longo moshikondo shuuhaku noshelongo, oyendji oyali ya lombwelwa ya kale komagumbo sho oTaliban ya yi koshipundi.
Mu May, aakiintu oyali ya lombwelwa ya zale iikaiwa yasiikila iipala yawo, naakiintu oyendji oyali ya dhengagulwa sho ya tameke
oku popya noku ulika euvonayi lyawo sho taya kuthwa uutemba.
Iimaliwa nomaliko geli moobiliona odhindji dhoTaliban dhili miilongi yilwe muuyuni oga kukutikwa no inaya pitikwa oku yi guma sho uuyuni tawu pula opo ya simaneke uuthemba gwomuntu