Lutombi kuna kutara momunene eyi zina kugava sitata
Conrad Lutombi, ogu gakere asi yige gagwene evango mokumupa sirugana akare mukurona gositata saWindhoek mombererwa, ngesi age kagwene nye asi yinke nawa nawa eyi navhura kugwana uwa nonzambi zendi moutano una puko. Lutombi katente asi nampili ngomu ana gwana mbapira ezi simpe gahepa kuresa nokutara asi tatambura ndi tanyoka oyo vana kugazaranb kukamupa. Age kagwene nayinye eyi konyima tupu apa Ministera Erastus Uutoni kagwene maumbangi nagenye kagatundire komukurona godoropa Sade Gawanas momazuva 14 Mangundu 2022, omu ana kufaturura asi kapi pwakere mapuko gangandi kukwama veta zawo, makura kapi vana kumona asi panakara matamayi nkenye gana kuninkisa asi vatamekereko hena elikwamo lyangesi. Ame nahepa tupu kuyizeresa asi nina gwana mbapira zina kutunda kositata saWindhoek. Nye ose simpe kuna kutara asi mauwa musinke gana karamo. Ano nsene nanitambura nye nayinye yina karamu, hawe sitata tasigwana nye ekeverero moomu yawapera, nokuza komeho.
Gawanas katanterere Uutoni asi, makona kono kuna kulikida asi kapi yina kara hepero kuyitengwidira hena asi vakatamekereko, konyima tupu ministera apa gatjenge mbapira nokutanta asi vahepa kuyizeresa morwa kuna karako nonkango asi mapuragero kapi gagenda nawa. "Apa nye vagwana yitundwamo yekona kono, komitiye zegendeso yipo nye zagava asi kapisi hepero kutengwidirapo mapuragero gangesi vahepa kutura oyo vagava vepuragero mosirugana, eyi nye yaninkisa kansela nazinye zitambure eyi yatunda momapuragero, eyi vageve kondango zegendeso. "yimo ngoso ana kufaturura. Age simpe kafatwilire eyi yazuvhayikire asi kansela Job Amupanda kuna hara ministera alihanmeseremo ezi gatjenge mo 12 Kudumonkuru 2022, omu yakere asi morwa komitiye gendeso zina kapi zakere asi kuvhura zisikisemo siruigana sazo, morwa kapi vavhulire nampili kutara asi ngapi navatura mukurona ogu momberewa zawo. ‘’ Ame kuna hara kuyizeresa nawa nawa, Amupanda kwato siruwo nampili simwe gagusire mbapira ozo zokutura muntu ogu moyirugana, moomu tupu nye vayitente va NALAWU ,’’ age yimo ngoso ana kutantera Ministera. Mono mbudi nye edi vatente wombunga zo Namibia Local Authority
Workers Union (NALAWU) Gawanas kafatwilire asi NALAWU kapi gakarerapo varugani navenye, makura eruganeno lyawo kwakara tupu noSitata ntani nawo nye ngoso. Nombudi domakuye kapi dina kara douhunga. Sitata kwakara nonjuku dononzi kwahana mukurona mwene mwene momberewa, kutunda tupu apa gaza Robert Kahimise mowaMangundu 2020omu gahagekere sirugana oso aze ko Cenorad.
Evango eli kwalitjingisire, makura ava vasikisiremo yihepwa yipo nye vavazigidire komapurangero omu vavapulire asi vagave egano lyawo lyesupi ntani lyere asi ngapi navavhura kukagendesa nepu vana vape evango eli, makura yipo nye vavaretere kombunga vavapuragere. Epuragero lyombunga kwayakwemeko nye epurangero lyopaumwene. Owo vasigidire kwakere nye mukurona gwaNamwater Eino Mvula, mukurona gona pamberewa moministeli zoyirugana Joyce Mukubi, makonakono nounangesefa Charmill Zamuee, Road Authority CEO, Lutombi ntani Moses Matyayi ogu ana kara ngesi asi mukurona godoropa zaOtjiwarongo. Mokukwama nye mapuragerro ogo vagwana wondango zositata, Lutombi kwagwene 80% ano
Matyayi 74% Mvula 71% momapuragero. Awo makura vatente asi Lutombi vahepa kumupa sirugana esi, ano nsene nanyoka, evango eli vahepa kuligava kwa Matyayi.