Iita: Omaloli ga kankama koongamba dhaUganda-DR Congo sho tapa ti pwaka
Oololi dhoondongelwa omathele odha kankama komuyelo gwaIshasha ngoka gu li koongamba kombinga yaUganda sho iita itaayi nuwa omeya tayi tsikile muuzilo waDemocratic Republic of Congo. Sostine Buregyeya, omuleli nomunangeshefa moshitopolwa shaIshasha, okwa lombwele oBBC kutya omaloli gamwe oka kala ga kankekwa poongamba iiwike itatu ngashingeyi, omolwuumbanda woku ya moDR Congo. Uganda oha landitha iilongwamo koDR Congo yili poomiliona $300 noongamba dha Ishasha odho hadhi longitwa unene onga uupitilo pokati kiilongo mbyoka iyali. “Otwali hatu yi koDR Congo lwiikando iyali omwedhi kehe ashike paifeitashiningwawe,”omunangeshefa Omuunganda Geoffrey Opiyo, ngoka e na ongeshefa yoohi ta ti. Opiyo ta ti okwali a thiminikwa opo a fandithe po ololi ye yimwe yoohi oonkukutu kaakwashigwana moshilongo shayo ye ishewe natango oku na ootona 40 dhoohi dha kankama poongamba. Okwa li a eta eleli lye koongamba pehulilo lya Kotoba okuza komatale gaKyoga muuzilo waUganda. “Omaloli gamwe okwali andola ga taaguluka ga ya meni laDR Congo ashike ina ga thika ho kwali gu uka, oga galuka ko,” Opiyo ta gwedha ko. Iita pokati kepangelo laCongo noolebele dhoM23 oya lulu muuwike mbika noolebele otadhi kwata ko iitoplwa oyindi. OM23 otayi hokololwa ya kala noku sinda omatanga gepengalo nomatanga gayo omasiku ngano anuwa oga monika konyala oshinano sho35km oku za poongamba dhaIshasha Omatanga goolebele otaga ende wo taga endelele ga hala oku kwata ko ondoolopa yaGoma. Omalugodhi kaage na oluthuwo ongaka oga yelula aantu oyendji momalukalwa gwao sho ya fadhuka po iita moshitopolwa. The fighting has displaced thousands of people in the region. Oonkambadhala oku eta ombili muuzilo waDR Congo odha kwatela komeho kaaleli yomuuzilo waAfrica (East African Community), nosho wo komupresidente gwaAngola President João Lourenço, ngoka nokuli oye a kwatele komeho oshigongalele tashi lalakanene oshikumungu shoka, shoka sha li moLuanda ohela.