Aayambidhidhi naya katukilile ya hupithe uuzilo waAfrica

O mahangano gokugandja omakwatho oga pumba okukatuka meendelelo opo ga hupithe oomwenyo no inaga tegelela onkalo yondjala yi nayipale miitopolwa yimwe yi li muuzilo waAfrica moka aaantu oomiliona omulongo ya tameka nale nokuli okulala taya tala omulilo. Ndhika odha popiwa komukuluntu gwokakomitiye kokugandja omakwatho koInternational Rescue Committee (IRC). Ethiopia, Kenya naSomalia oya taalela oshikukuta shoka inaashi monika mo nale miilongo mbyoka muule woomvula 40. Iilongo mbyoka inayi mona omvula muule woomvula ntano dha landulathana, naSomalia okwa tegelelwa a kale a talika ko onga oye a dhengwa noonkondo kondjala. “Otandi pula omahangano gopaingwana kaaga kwataakwate ga tegelela ku ningwe eyigidho pambelewa,” omupresidente gwoIRC President David Miliband osho a lombwele iikundaneki komalungula. Ta ti oUnited States oyo owala ya gwedha ko komakwatho gopashimaliwa ngoka ga kala haga gandjwa kiilongo yomuuzilo waAfrica. Iiyemo yiilongo iikwao oya piyaganekwa kiita yokoUkraine. “Shi tashi uvitha nayi osho shoka kutya aantu otaya mono iihuna ashike ngele owa landula nawa ope na ngaa iimaliwa tayi inyenge muuyuni, tayi zilile muuzilo waAfrica,” Miliband ta ti. Etata lyaantu ya si kondjala moSomalia mo2011 oya li ya si omanga eigidho lyopambelelwa inaali ningwa. Uuzilo wa Africa owa etelwa unene ondjala kelunduluko lyonkalo yombepo nokondando Ya pumbwa ekwatho…Somalia, Ethiopia naKenya otaya hepekwa unene kelunduluko lyonkalo yombepo. yiikulya tayi londo muuyuni. IRC oya tengeneke kutya sigo oompaka oongombe dhi li oomiliona omugoyi odha sa moshitoplwa omanga omuwaalu gwaantu oshilando Baidoa, shi li muumbangalantu waSomalia dha indjipala noonkondo sho aantu ya mbombolokele koshilando hoka taya kongo uuhupilo. “Otashi uvitha nayi nookondo oshoka iilongo mbika yooSomalia, Ethiopia naKenya ohayi gwedha ko owala 1.2% koombepo ndhoka tadhi kakeke ewangandjo dho odho tadhi imbi omvula yi loke. Omakwatho gopashimaliwa kiilongo mbyoka opo tayi putuka oge li tagi ikundwa komutumba gwIigwanahangano koEgypt hoka aakuthimbinga taya kundathana nkene ye na okushunitha pevi enyateko lyewangandjo.