Wambuseun ondekurona ya von Francois
Oritjatatu ndazuko omakuruhungi mo tjihuro ohongora Otjomuise otji ya tjitirwe indu otjisasanekero tja ngwari omunane wo rupa ro muzaro umwe rwo huurire yOvandoitji tji tja isaperwe.
Omunane ingwi onguri Curt von Francois. Otjisasanekero the tjaisaperwe kombunda youmune okuza mo rupa rume ro tjiwana kutja otjo po na putjari imbi ngatjizapo mena ro kutja otjo tji zemburukisa omakurhungi wohuurire yEhi rOvandoitji kutjiva mo Namibia, tjimuna Ovaherero, Ovammbanderu nOvakwena, ngeheri omatjate ama pe tjiukwa nawa kutja ohuurire yehiondo kehi yo mu yandja mbo worupa indo zombura zo kombunda, Lothar von Trotha, otji pakara Otjitiro Otjindjandja tjo mihoko imbi.
Posia kakutja ozondekurona inda ondari kongotwe yo rukosi ro kutja otjitjasasanekero tja von Francois tjiisapewe. Nandarire kutja mwiimba mbaa ve vanga nao mwari ondekurona yo Tjitiro Otjindjandjja tjo Vaherero, Usutuaije Maamberua. Eye mo 2015 otjo Peresidenda yo Swanu mo Mbongarero yo Tjiwa¿a ngwa tjere von Francois ngaisapewe. Amatja otjo ondjambu tjinga atji nyandera ozonyoneno zohuurire nda hu ngamisirwe Ovanamibia.
Tjingetjo pari otjimbumba kehi ya Hildegard Titus tji tja twapo orutuu ro mu tjemo ovandu ape o 2500 mba twako ominwe kembo kutja von Francois maisapewe. Nu poruveze rwe peyaruke Jonker Afrikanera, ngwaa vetja eye ongwa wondeka Otjomuise nu ka von Francois otja ke kuruhungi r ova huure Ovandoitji.
Mokati kaavihe imbi, kutja omaiasapero we yasere poo kayesere, mohamunika nangwari mo Namibia von Francois waisa mo ozondekurona. Umwe wo zo ndekurona indab omwiimbure wo mizumbi wa Namibia omutjiukwa, Lownan Nangombe, ngutjiiukwa nawa otja Wambuseun. Ina omunene nguri Amalia /Gereses ngwa kupirwe i Von Francois va panduke mo ovanatje vane, umwe wao Verona, ina ya Wambuseun.