Keto yabayemeli baBukalo iswa kwapili

Keto yabayemeli bamunzi waBukalo yene iswanela kubateñi Labune neisizwe kwalizazi lene lisika patalazwa, kasamulaho bane baliteñi bapalelwa kukwanisa nombolo yene itokwahala kuli liketisa libe teñi. Lo kilwalubebeli kasamulaho akushimbululwa kwa keto yeswana la 1 Ñulule 2022. Habeli cwalo bane bamemilwe nebasiilwe mwasimbwi basazibi ze ezahala konji kuto bulelelwa feela kuli liketisa halisana kubateñi. La 1 Ñulule nebaize nekubile nikusa ambolisana hande ni muatuli yomunyinyani, kasamulaho akushimbululwa kwaliketisa zakatengo katolopo ya Katima Mulilo.

Kono Labune liketisa nelipalile kasamulaho akutondahala kwabayemeli bababelibakopanoyaPopularDemocratic Movement (PDM), Kamwi Sakutuka ni Lawrence Mukena. Viki yefelile Sakutuka naize hana kuba nikabelo mwaliketisa, haiba bayemeli bakopano ya Swapo inge babata kuli kuketiwe feela bayemeli baSwapo mwalitulo za Muinasipula ni mubakweli wahae. Sakutuka kiyena mubakweli wamuinasipula kanako yacwale, kono kubonahala kuli bakopano yaSwapo nebalela kumulundula.

Kono nekupalile kasamulaho muatuli yomunyinyani Davy Kambinda alemusa bane bali kwamukopano kuli liketisa halikonikuzwelapilikonjibayemelikaufela habakaba ni kutwano. “Kubonahala kuli hakuna kutwisiso yamulao ozamaisa milonganyana. Yaketa nikunyatela keto habakoni kuba nikabelo hape mwaliketisa, kacwalo hakuna kukonahala kuketa muinasipula ni mubakweli wahae, kuka konahala feela kuketa muinasipula,” nekubulezi Kambinda. Kasamulaho amukopano wakwamukunda ni muatuli yomunyinyani, liketisa nelipalile kuzwelapili mi neli isizwe kwalizazi lene lisika patalazwa.

Kuzwa kwanzoho... Bayemeli bakopano yaSwapo kwakatengo kamunzi waBukalo, Judith Mwilima (muinasipula), Simataa Mubonda ni Annoscah Mutumuswana.