Omwano mbu mo kurisa omwatje ombu ma karira muhuka- Uhongora
“Omwano mbutukurisa ovanatje ngatutjevere muhuka omuatje tjekekura mahupu mongaro indjo nu otji¿a iho tjikarira omatokero komuatje pondondo yehupo,” Priska Uhongora ma kwambere ko ovanene nao.
Eye wari omuhungire we yuva po ma patero wombura wo St Joël Apostolic Healing Mission Church in Africa, mOtjomuise Oroviungura ndazuko. Na ningire ovanane okuyandja ombakatwi kehupo mokati ko tjiwa¿a orondu okuza ko 2020, ourizemburuka wovandu tjiva mo tjiwa¿a wa hipara nu omundu auhe ma hepa oku tarewa kutja uno’ zeu watjike oku penga eye okurizepa.
Otjiuru tjo mbongo, Theo Pura, mazeri kutja ovakambure omayuva wo Muna wOmundu inga kaveno’ kukahita mouye okuuta okunwa omavinu no ku kazunganisa kozonganda.Wa ningirire ou¿epo wo St. Joël okuyenda ko zo nganda oku ka tara ovanene vao nawina oku kaandja orusuvero kovakurundu. Watanga Ndjambi kutja weve Þiza okuza ku Rozonÿu ngaa ku Tjitarazu nu mena rotjari uriri. Wa yandja okunene okuhepa ko tjirata tjo zo mbongo, o CCN,
Nacapa, Oporise ya Namibia, New Era, NBC TV, Omurari FM, ovaandjambatero novandu avehe mbakara noruyameto ko St. Joël mo 2022. O Arch Bishopa wina wa ningire ounane wo St. Joël okuyera ovikausina ko 2023 orondu mehi nambano kamuna ovimariva nu mu nao otji mazeri kutja ombongo itanaure omaunguriro wayo kutja irikareke no mwinjo.
Collin Mbaukua, o Peresidenda yEhika rOmitanda watanga Ndjambi okutuurungisa omitanda mo ma tokero ngaripo yo Covid-19 tjimoutire ko 2020, 2021 nawina o 2022 oini. Atja okunene okuhepa komitanda vyo St. Joël mbiri ko United Kingdom (UK) kozombatero zao kombongo moruveze oruzeu ombongo tjihena yari no tjimariva.
Omuhonge Tjeripo Kandovazu, Operesidenda yOkehi yOtjirata tjOvakazendu, watja ndoondoo koo Mama va Ritjaine ko ruyameto rwawo mo vi tjitwa vyo mbongo na yandja wina ondangu ye ko vakazendu mbauta okuhara ovihavero ovinamasa mo Namibia. Nazeri kutja mo Congress yo St. Joël yo 2023, ovakazendu mavekambura ovihavero ovinamasa mom bongo wina.