Musupali ubitelela mwanana kutisa lifu

Musupali yane abitelezi mwanana walilimo zetalu, ili kalulo yene itisize lifu lahae, nahanezwi kulibelela muzeko wahae kwande hane abonahalile mwakhuta muatuli yomunyinyani mwa Ondangwa Labubeli. Gustav Willem walilimo zemashumi alobapeli kazelobapeli utalimani ni milatu yabubulai ni kubitelela.

Taba yahae neisizwe la 3 Lungu 2023 kulumelela lipatisiso kuli lizwelepili. Lipiho za kubitelela libonahala kuata, mi mwapiho yasipokola yekala la 28 Ñulule 2022 kutisa 1 Sope 2023, nekubihilwe lipiho zepeli zabubiteleli mwatolopo ya Swakopmund.

Musizana walilimo zelishumi kazelobapeli nabitelezwi fañandaleza mwalikululu la Mathias Hamukwaya mwakomponi ya Mondesa la 28 Ñulule 2022. “Kukulubelwa kuli siezwa nazamaya anosi kuya kwandu kasamulaho akuyo potela mulikanahae, baana babalalu bane basika zibahala habamuswala, alimuñwi kubona amubitelela bababeli inge bamusweli kwamazoho.

Babakulubelwa nebasika zibiwa kale mi lipatisiso lizwelapili. Mwakomponi yeswana la 30 Ñulule musali walilimo zemashumi amabeli kazeketalizoho nabitelezwi kimuuna yane abalehile, lipatisiso lizwelapili.

Mwa Khorixas Musizana walilimo zelishumi kazetalu nabitelezwi kimuuna walilimo zemashumi amabeli. Kubihiwa kuli yanyaziwa nakatani siezwa mwalikululu mi aya niyena kwandu yakukwahae nikuyo somana niyena, yanyazwa natamilwe. Mwa Windoko musali walilimo zemashumi amabeli nabitelezwi kimuuna yane asika zibwa kwa komponi ya Goreangab. Muuna nakeni mwandu yasiezwa amunata kwatoho nikufumbela kumubulaya haiba inge amutalima.

“Kihamutama kwamazoho nikufosana niyena. Kihanga foni ni N$40 nikuikela. Siezi hazibahali mi lipatisiso lizwelapil,” nekubaleza piho yabubangoki.