Oonakuxwikapo omidimba moMozambique otaa konaakonwa
Opa etwa okakomitie koku ninga omakonaakono e na sha nomatanga ovakwaita oo a monika mokavideo taa ekele omidimba dovanhu momundilo. Kouyelele uli poo tau holola kutya oshiningwanima eshi osha ningwa moMozambique noshi li kondje yoveta yopaiwana oyo tai wilike omalihumbato ovanhu ngeenge pe na oita.
Ongudumutima yoSouthern African Development Community Mission in Mozambique (Samim), oshivike shadja ko oya ti yo kai na nande ouyelele washa unasha nokavideo oko.
Okavideo oko taka tambulafanwa komalungula otaka ulike ovakwaita vadjala omidjalo detanga loSouthern African Development Community mwa kwatelwa umwe a djala omudjalo waSouth Africa.
Okavideo oko kena oule weesekonde 20 otaka ulike ovakwaita tava tumbile omudimba womulumenhu, ve mu kwete komaoko nokomaulu noku mu umbila mediko la yaka omundilo omo mu na vali olutu likwao tali pi.
Omukwaita umwe okwali ta tale ko a mwena, omanga umwe a li e na ongodi ta faneke. “Kakukutu komatanga oSamim womoshitukulwa opo mwa ningilwa oshiningwanima eshi ita dulu oku koleka oshinima eshi shaashi ke na ouyelele. Ashike Omutwe wetanga loSamim alishe owa eta po okakomisi oko ka tameka nale oku ninga omapekapeko moshinima eshi.
Oshidjemo otashi ka etwa poluhaela. “Etanga loSamim etanga li na omungo nola fimanekwa moshitukulwa eshi shaAfrica ngeenge tashi ya moku kwafela moilongo omo mu na omakuyunguto.
Onghee Otu na oshinakuwanifwa shinene opo alushe tu longe noku li humbata tu li meni leengaba doveta, nopefimbo eli twaka kwafela koRepublic of Mozambique.”