Ovitenda mavi hwasana omireru, OStarlile noHakamaoko kumwe

■

Ozondjira muhuka za hungama orupare ro Unama mOtjomuise vivari vyovira vyo ruvara orunene nene mo Namibia mo tjimbere tji ma vi kutwa kumwe mo ndano yo ma meta.

Ovira imbi o African Stars, nai ndjiri poruveze orutenge mokatihe nozongombe 25 momahore po ndondo yokombanda mbanda motjimebere mo Namibia, o Namibia Premier Football League (NPFL), no Orlando Pirates, ndjiri poruveze orutja hamboumwe nongombe o 14.

Ovimbere omirongo vitatu na hambondatu (38) ombya hitisirwe omayuva womasuviro nga zuko omahore wotjimbere tji ya utire rukwao kombunda yokuha¿ika mu Tjikututu ombura ndja zuko mena rekopi rotjimbere rouye. Ovimbere omurongo na hambondatu (18) vya hitisirwe Oroviungura nda zuko ngunda omirongo vivari (20) avya hitisirirwe Osondaha nda zuko. Kahirona ya Tjiwarongo ondja hitisire ovimbere ovingivingi mehore rimwe ku noYoung Brazilians ya Tjozoroue tji ya taarere novimbere hamboumwe ku tjimwe (6-1) mOtjiwarongo Osondaha nda zuku. Tjandje nao Oroviungra ya nyandere ku noStarlile nai pandjara nozongombe ndatu ku imwe (3-1).

Ehore indo rarwe yari ku noJulinho Sporting ya Mbwenge mu ya taarere nongombe imwe ku uriri (1-0). Kongotwe yo Satrlile mokatihe maku kongorere Kahirona nozongombe omurongo na hambondatu (18), oBlue Waters poruveze orutjatatu nozongombe omurongo na

ndano (15). Poruveze orutjaine penOkahandja United nozongombe omurongo nandano (15) ngunda oruveze orutjatano ape noMighty Gunners nozongombe omurongo nandano (15) wina.

Otjira tji tji kuramena po orukondwa rwa Maheke ihi oYoung Warriors ya Pako, tja taarere omahore watjo ayeevari monganda mEpako ku noUnama nongombe imwe ku uriri (1-0) Oroviungura. Osondaha atji taara oTura Magic nozongombe mbari ku imwe (2-1).

Omuperende: Kae MaÞunÿu-Tjiparuro O2022 yavirikizwa…Ovasuvere vo tjimbere va Komumbonde tja Pukiro muwo mu muna Kanapeta Mupaine na Gerry Hoveka, po mahore wo tjimbere wo kupata ombura tjiyari 31 ku Tjikukutu mOkomumbonde tja Pukiro.