Varongi ntantatu kwavatjida mosirugana
ONGWEDIVA – Vamitili ntantatu kwavatjida mosirugana mvhura zina puko morwa mukaro dona, mukurona pamberewa goministeli zerongo Sanet Steenkamp yimo katente. Ntazimwe kwavagusa mosirugana sepangero morwa kufavagura koyirugana, siruwo oso vavali kwavatjida morwa kukara panyama kumwe novarongwa. Mowo ntantatu, ava vatatu kwavagusa moyirugana moKavango zoupumezuva. Vavali wowo kwava gwana epuko morwa kukara kumwe panyama novanona. Ano ava vatatu womoZambezi ntani vavali moOtjozondjupa.
Steenkamp kayinkondopekere momunene mitili ndi mukurona gosure nage kuna mutamba asi kurugana mapuko gomanene, age simpe ana kara nononkondo dokuvhura kulimbura kepangero omu natanta asi epuko garugana ndi hawe. ‘’ ose kiutekura vantu kuhetakana, omu atuvapura asi vatjange kuhamena koudigu wendi komeho mugazarerwa ogo aka moneke kokomitiye zepisuro, yimo ngoso ana kutanta. Konyima nsene makona kono vana gamana, mberewa zetu zerongo momukunda ogo, makura tavatumu nye eyi vana gwana komberewa zendi. Makura nonkondo ku8na kara nye mwange mokutara asi oyo nina gwana yize komberewa zaNkuru ministera ndi ngapi, morwa kwina yiko nye ava kayitura moyirugana omu ayikakara asi muntu gwangoso tavamugusa moyirugana ndi hawe, yimo ana kuyifaturura ngoso. Steenkamp katente asi mberewa zankuruministera yizo nye azigusa muntu ogo moyirugana yepangero, morwa yizo mberewa azitarurura maudigu govarugani mepangero. Ame kapi nakara nononkondo dokutjida murugani gepangero, unene mitili ndi mukurona sure.
Kugusa muntu moyirugana kukara ngendeseso ezi zina pumbwa kuzikwama momunene. Age kuna kuhundira nye vantu unene vamitili ndi vakurona sure vakare nomavango gokugava nombudi kuhamena veta zovarugani venepangero. Kapi ayimoneka nawa mitili ndi mukurona sure azumbanese yirugana yendi. Yipo nye asi yahaka horoka vakare vanyandi ava vana kukatjida moyirugana morwa kurugana umbondo. Sinkwa ntani mukurona sure kavamuhagekesere mosirugana morwa kavamugwene asi age kwakara nonzapo zendi zokulikisaukira, age goposure zaOupumako zelipakerero, ministeli kwayigwana mo 2020 asi nonzapo dendi odo kapisi dendi. Gumwe mitili ngesi mononkwate dovaporosi ana kara, morwa age kuruganesa nonkango tjiliso komukurona sure gwendi ntani mukunda nagunye. Age kwatumbura mukurona gwendi asi murodi, muwidi ntani kapi galironga. Mo 2021, Fransina Mwetufa, murongwa posure zaLimbandungila zelipakerero kwamugwana asi kurongesa zapo zahana asi zendi kumoneka asi zamukwawo.