Biden kayimuhafesere mukaro goudemokoli moNamibia
Mukada gwaPresidente gosirongo saAmerica Jill Biden kapandwire Namibia momukaro ogu omu ava ruganesa udemokoli, eyi yamuninkisa awize ayadingure sirongo setu esi, omu ana kuyimona asi vayagwederere mokutwara udemokoli komeho.
Biden kwahuyungire nonkangp edi kembo lyepangero siruwo somuzuhwa kumwe naPresidente Hgae G. Geingob, mukurukadi gwa Presidente Monica Geingos ntani varugani vemepangero. ‘’Ose kwahere kuwiza moomu tupu muna yidiva asi ou udemokoli una kukura simpe, ntani ose kuna hara nye kuvatera nkenye sirongo mouzuni sina kuruganesa udemokoli. Ose kwaligwanekerere mokwedi kwaSindimba, makura kutunda opo yipo nye twaturapo ukwawo. Monica name kwagenderera kukara vantu namuholi zendi,’’ yimo ngoso ana kutanta. Konyima tupu apa kaniyasikire mosirongo moutatu wakapita, mukadi gokuhova mosirongo saAmerica kakatlire mbya kevango oku atuhoreke mapenda getu, ko Heroes’ Acre, evango eli atuhoreke vantu vakondjera sirongo setu esi simanguruke. Geingos kaligwire kumwe nomugenda gwendi Biden kuhamena udemokoli, nokutanta asi eyi ayininkisa Namibia apire kukara nkenye apa monosayitunga douzuni morwa nkenye eyi avarugana kuyirugana kukwama udemokoli, nomukaro gomuwa ogu vakara nago.
‘’ Udemokoli wetu kwakara womutaro. Ose kwakara novadinkantu wovanzi, ava vana kuruganesa udemokoli ou, omu ava uruganesa kukwama ediveta lyetu lyosirongom ntani muntu pomundinda gwendi ntani nompitisili nye edi twakara nado. ‘’ Ose kwatugwanekedesa udemokoli, ntani kwalituramo asi ngapi natuwapukurura maparu govantu vetu, ntani kutara asi tukare nomukaro gokufunda. Elikwamo eli natuvhurakugwanamoPEPFAR omu twalituramo mokuhundira mbatero ko US ntani twahepa nye kuyayiruganesa mosirongo setu unene oku nayivhura kurugana. Geingos katente asi age kwazigida Biden ayadingure Namibia,posiruwo sooso Biden katumbwire asi ana hara kuyadingura yirongo yimwe yaAfrica mo2023. ‘’ Ame kwayirugene eyi mokukwama omu yawaperav, eyi yina kutundilira mosirongo esi somapenda. Makura ose yiyo nye tuna ruku ogu muzuhwa gwetu asi evhu lyakara nomutaro, nye sili kuna kara asi Namibia yimo gafana. Geingos katente asi yinzi eyi ana kara nayo navhura kulikida mugenda gwendi ogu, eyi yina kara asi age sikando sokuhova ana kuwiza koNamibia apa nye ana kara asi mukada Presidente gwaAmerica.
Mukada president kakamutambwire mukada Presidentegona gosirongo Sustjie Mbumba, omu mbunga zokudimba zaUNAM kavamudimbilirepo. Biden kuna kumundindira akahuyungise varongwa konkurusure za Namibia University of Science and Technology(NUST) moNamibia omu yina kara asi yinke yina tumbukira vadinkantu mokuwapukurura eparu lyawo ntani kutara asi udemokoli urugane moomu wawapera.