Ondholongo yaaluhe kukehe ngoka ta ti ye eshenge moUganda
Aantu mboka taya ka holola kutya yo omashenge oye li moshiponga shokuya kondholongo yaaluhe konima sho egumbo lyomutumba gwopashigwana lya pititha ontotwaveta ompe ndjoka tayi ka kala ompinge niinima ya nika uushenge. Oya kwatela mo wo egeelo lyeso poompito dhimwe. Omunandjungu moshimpungu shuuthemba womuntu okwa lombwele oshikundaneki sho-BBC ta ti ontotwaveta ndjika oya eta uumbanda kutya omashenge otaga ka ponokelwa shi vulithe monale.
“Ope na onkalo yiikengelela. Aantu otaya dhengelwa oongodhi tadhi ti ‘ngele ito pe ndje oshimaliwa, otandi ka lopota kutya ngoye eshenge,’tayatingaaka.Ontotwaveta ndjoka oyo yimwe ondhigu yi li ompinge nomashenge moAfrica.
Uuushenge inau pitikwa paveta moUganda ashike ontotwaveta ndjika oya gwedha po omapogolo taga pangulwa ogendji. Mwa kwatelwa okupopya kutya ngoye eshenge inaashi pitikwa we oshikando shotango moshilongo moka, ookuume, aakwanezimo osho wo aakwashigwana oye na oshinakugwanithwa shokulopota oohandimwe mboka ye li mekwatathano lyopaihulo pamukalo guushenge. Ontotwaveta ndjoka oya li ya piti neyambidhidho enene mopaliamende yaUganda mEtiyali. Amnesty International, ehangano lyokugamena uuthemba womuntu olya ti ontotwaveta ndjika tayi pangula aakuluntu ye li miihulo yuushenge pauvathano onga tayi limbilike, ya mbwalangandja noya shangwa pamukalo inaagu yela. Oya yembwa wo kominista ya-UK moAfrica, Andrew Mitchel, osho wo amushanga gwepangelo gwa-US Antony Blinken.
Egumbo lyepangelo lyaAmerica, ndyoka lya tseyika pambelewa nedhina White House olya londodha Uganda kutya otashi vulika a ka taalele egeelo lyopaliko ngele oveta ndjoka oya yi miilonga. Miiwike manga oompata inaadhi tameka, omapopyo ge li ompinge nuushenge oga kala nokudhana onkandangala miikundaneki, osho omunandjungu ngoka a li inaa hala okutumbulwa kedhina a kuthile ko o-BBC.
“Omashenge oga kala nokukengelelwa, taya yugwa iimaliwa nenge taya falwa komahala hoka taya ka ponokelwa komangungo gaakwashigwana,” omunandjungu ta ti ngaaka.
“Miitopolwa yimwe, aakalekipo yovetanelandulathanootayalongitha pambambo iilonga yawo okuyeka iimaliwa pamukalo gwiikengelela mboka taku popiwa kutya yo omashenge. Oofamili dhimwe otadhi lopota wo aanona yawo kopolisi,” ta fatulula ngaaka muule. Ontotwaveta ngashiingeyi otayi yi kuPresidente Yoweri Museveni ngokatakakalaelipokatikoshilaleko nomukonda – okukaleka po omakwatathano omawanawa pokati ke naauninginino nomakwatho gawo, nenge okushaina yi ninge oveta. Miiwike ya piti, okwa kala nokuninga omapopyo ge li ompinge nuushenge, osho wo okuyemba iilongo yuuninginino sho tayi thiminikile Uganda kongudhi molwoshinima shika.