Botswana a ningi kuume miipindi yokawe naHB Antwerp, ina hala we De Beers
Botswana otaka kala e na mo oopelesesnda 24 mehangano lyaBotwsana lyokungushupaleka okawe lyedhina HB Antwerp sho a hala okukala ta mono ko sha shongushu kuuwe we, Presidente Mokgweetsi Masisi osho a ti ngaaka mOmaandaha, oshinima shoka tashi ka mona ehangano lyoDe Beers itaali ka kala we lya papata ekondololo lyokawe moshilongo.
Ehangano lyepangelo lyokulanditha okawe lyaBotswana, lyedhina Okavango Diamond Company (ODC), otali ka ya meuvathanotsokumwe lyuule woomvula ntano okulanditha okawe ko-HB Antwerp onga oshitopolwa shomangeshefelo ngaka.
“Iinenenima yomangeshefelo ngaka oya uvathanwa nale nokushaina otaku ka ningwa miiwike twa taalela. Nena esiku lyependuko moshikondo shuuwe moBotswana, sho tatu tameke ondjila ndjika no-HB Antwerp,” Masisis ta ti ngaaka pethimbo lyeegululo pambelewa lyofaabulika yo-HB Antwerp moGaborone. Botswana, ngoka e na mo oopelesenda wo mokampani yokufula okawe Debswana pamwe noDe Beers, ndjoka yi li oshitopolwa shoAnglo American Plc, ota kongo omakwatathano galwe gopangeshefakondjeyekwatathanolye noDe Beers lyoomvula 54. Ookuume miilonga mboka ngashiingeyi oye li moonkundathana ya talulule euvathano lyawo lyomalanditho nomahwahwameko gomalanditho, moka De Beers a na mo 75% mokawe haka fulwa kuDebswana. Masisis okwa li a ningi omatilitho kutya otaka iteka moonkundathana ngele Botsana itaka kala oye e na mo oshipambuliko oshindji moDebswana. Epangelo inali tseyithila oshigwana kutya olya hala oshipambuliko shi thike peni, ashike okwa itaalwa shi kale shi thike po50%, ndhoka tadhi indjipala lwaali shi vulithe mopaife.
Lya totwa momumvo 2020, HB Antwerp ngashiingeyi oha longele pamwe noLucara Diamond Corp, ta landa uumanya wu na ongushu yookarata 10 oku uka pombanda, e vule omina yoKarowe Mine ndjoka yi li mondingandinga yaBotswana, noyi li momusholondondo gomangeshefelo omanene koToronto.
HB Antwerp olya ti omukalo nguka omupe, lya hala wo oku gu tula miilonga no-ODC, otagu kwashilipaleke opo Lucara a mone mo iiyemo ya pita no40% shi vulithe ngeno a li ta landitha okawe inaaku ngushupalekwa.
“Elongelokumwe ewanawa, otali ngushupaleke Botswana, hapashimaliwa ashike, ashike nongushu yoonkalamwenyo dhAabotswana otayi ka ya pombanda,” Gumwe gwomaakokolikuluntu gwoHB Antwerp Rafael Papismedov ta ti ngaaka.