Ondjira nambano i imwe- Ombara Otjitambi Nguvauva
■
Kae MaÞunÿu-Tjiparuro
Okomiti yOtjiÞiro Otjindjandja yOvaherero nOvambanderu na wina Omboronganeno yOzombara maze zemburukisa ohoromende ehi otja tji mari zu nokuzemburuka ozombura 33 zongutukiro kutja ngunda otjiungura tjonguturiro katji ya manuka kaparukaze. Ombara Otjitambi yOvambanderu, Aletha Karikondua Nguvauva, wa zemburukisa nao mehungi re reyuva pomazemburukiro wovaÞi vorumbo rwohangauti Oroviungura mOtjozondjii. Na tja nambano ondjira okomurungu nokuhina okutaviza posyo poo kongotwe, tjinene okuisira komambo wohoromende yEhi rOvandoitji katjisupi ndja raisire kutja oyo mai panÿere ponÿuvasaneno, ndji ri Oruyano Rwapamwe, pokati kayo nohoromende ya Namibia.
“Mu nao otje ri ongahukiro kutja ozohoromende azeembari inÿa, otja tji pe kara ongahukiro ku eÞe ohapo, ozo za horera pokuyenda komurungu oupuruke okuundurira Oruyano Rwapamwe komurungu,” Nguvauva ma tja nao. Mu nao ovo otji ve hi na omuano warwe pendje nambano okuripahera ozondjira zavo zarwe otja tji ve kondja ozombura azehe inÿa okuza indu tjiva vavo tji va yara omahungiriro wakumwe pokati kozohoromende azeembari nÿa ngandu
Ondjira ngai paturuke…Indjo imwe nambano ndja sewa po. Ondangere Gideon Kapangurua Tjironÿu, ma ningire ousemba kovaÞi novakuru ve hite morumbo rwa Tjozondjii ve kaningire ondjira Oroviungura imbo ouÞiÞi mbe kuwa nave itavere tji va kavarurire ovaÞi novakuru. nai tjiva mba ri orupa notjihungiriro tji va yarere Oruyano Rwapamwe kaparukaze.
Mu nao ombango yavo otji mave i tanaurire kotutu twarwe mouye, kutja otwozohoromende poo okourike watwo otuni kutwo otuni, ndji ri ondjira ondekurona Jefta Nguherimo ndja utire okuka mu Tjitarazu ombura ndja zu ko tja hitisire orutuu rwomutjemo korutu rOmihoko Omikutasane Orukarerere rwa Mbaziriire mOafrika, ndwa hitisire mu Tjitarazu ombura ndja zu ko motjihuro ohongora tja Switserlanda, oGeneva. Tjingetjo ohauzeu ndja yandjerwe i yOnational African-American Reparations Commission (NAARC), katjisupi kongondjero yotjisuta wina otji mai yakurwa tjinene. “Ye ya moruveze ndu twa kuramenwa momurungu i yongukutusengo yohoronende yetu ya Namibia, nongwao yEhi rOvandoitji okuyepisa nokutomba ongondjero yetu yotjisuta,” Nguvauva ma tja nao.
Posi ya ngunda ave hi ya twara eraka pendje nehi kotutu pekepeke ohepero ovo oveni mehi okukamburasana pomake. Na pata ama tja ovo mave panÿere po-28 ku Kambundu otjEyuva rOmazemburukiro wOtjiÞiro Otjindjandja, otja kombepo yo-2016 yangwa ri oka¿epo kOmbongarero yOtjiwa¿a, Usutuaije Maamberua.