Kenya ita ka indhindhimikila evundakano
Ominista yiikwameni yaKenya oya ti oshilongo oshi li popepi nokugwila mevundakano lya shiga ko, onkalo ndjoka tayi tula oveta nelandulathano moshiponga osho wo onkalo yengungumano nayo woo tayi tulwa moshiponga.
Uuministeli mEtitatu owa popya wa itula mo kutya otawu ka tuma aapolisi ya keelele shoka taya ti kutya evundakano lyaa na egaluko, sho oongundu dhopapolitika dha li tadhi ningi ompangela yokuninga omakanka.
Opwa kala pe na omaipumomumwe pokati kaayambidhidhi yomunapolitika gwongundu yompilamena Raila Odinga osho wo opolisi.
Odinga okwa pula omakanka nominyanyo dhi ningwwe iikando iyali moshiwike – mOmaandaha nomEtine – sho taya ningi omakanka ye li ompinge noondando dhiipumbiwa ngaashi iikulya, osho wo taya pula omalunduluko ngoka taga eta uuyuuki womahogololo ngoka ga ningwa omumvo gwa za ko.
Aantu ya adha puyaali oya dhipagwa momakanka ngaka, aakwashigwana ye li 85 naapolisi 51 oya monena mo iiponga, shi ikwatelela kuuyelele wa pitithwa kuuministeli wiikwameni yomoshilongo shoka.
Omalikogopaumweneoga yonagulwa nokuponokelwa, osho wo oongeleka dha fikwa po momakuyunguto ngoka.
MOmaandaha, ofaalama yomupresident omukulu Uhuru Kenyatta oya li ya ponokelwa kaantu mboka tayakuthaombingamekanka, osho wo efaktoli limwe taku popiwa lya Raila Odinga olya ningilwa omuyonena.
“Evundakano ndyoka tali ulikwa ngashiingeyi osho wo oondunge dhuungangala ndhika nayi hule… Ngele onkalo ndjika oya hwahwameka nena otayi shunitha oshilongo monima.
Natu hulitheni po onkalo ndjika yokudhina epangelo,” uuministeli wiikwameni tau ti ngaaka.