Otashi vulika Oscar Pistorius a ze mo mbala mondjedhililo
O NGUNDUMUTIMA yaSouth Africa yedhiminathanopo otayi ka tala ngele omumatuki nenyakwa muudhano woateletika Oscar Pistorius ota ka kuthwa mo mondjedhililo. Sigo oompaka okwa longela etata lyoomvula dhegeelo lye lyoomvula 13 sho a dhipaga okakadhona ke Reeva Steenkamp momumvo 2013. Ngele okwa dhiminwa po, Pistorius, ngoka e na oomvula 36 ngashiingeyi, nena ota ka mangululwa muule womasiku omashona.
Ashike sho e ya kiihokolola, yina yaSteenkamp, June, okwa ti ka li e wete Pistorius a iyala ombedhi mwene. Omulumentu nguka a sindana ombaddi yoshingoli iikando ihamano kuudhano woParalympic okwa li a iyala ombedhi mwene sho a li a dhipaga ohonda ye mesiku lyohole momumvo 2013 ashike okwa ti okwe mu yaha papuko, ta ti okwa luka okwa li ta yaha omufuthi.
“Oshidhigu okukala pehala limwe naye. Inandi itaala ehokololo lye. Kandi wete a iyala ombedhi… nenge a mona omakwatho gezulonkalo,” Steenkamp ta ti ngaaka ongula yEtitano. Iihokolola otayi ningilwa kondholongo yedhina Atteridgeville, ndjoka yi li ashike okanano okashona okuza moshilando shaPretoria. Omulumentu nguka kee na omagulu agehe, ano a tetwa okuza poongolo, okwa li a tsakanene naBarry Steenkamp, he yaReeva, onga oshitopolwa shokudhiminwapo moka nakuninga omuyonena e na okuya moonkundathana . Ashike omukalelipo gwopaveta gwaSteenkamp, Tania Koen, okwa ti oye uvite kutya Pistorius okwa kala nelalakano lyokudhipaga omwana, noye wete kutya eso lye egeelo lyondholongo yaaluhe kuyo.
“Kuyo, omasiku gevalo omulongo ga kana, omasiku omulongo goomeme ga kana, gootate, ookrismesa, onkene yo inaya aluka natango,” osho a lombwele aalopoti pondholongo.
“Kaye wete a pumbwa okumangululwa.”
Pistorius tango okwa li a monika ondjo moshipotha shedhipago lyaa shi lyoshiningilawina, ashike sho sha talululwa okwa minika ondjo moshipotha shedhipago, oshoka okwa itaalika kutya oku shi sh a li ta ningi sho a umbu iikando itatu momweelo gwokandjugo ngoka gwa li gwa patwa megumbo lye moPretoria, naashoka a nuwa kala e shi kutya okuumba iikando itatu otayi dhipaga omuntu ngoka a li nkombinga onkwawo yomweelo.
“Ondi wete kutya otashi vulika a ka pulakenwe opo a dhiminwe po,” osho Mannie Witz, ohahende a ti ngaaka, nokwa ti Steenkamp ota vulu okukondjitha etokolo nd yoka mompangu ngele olya gandjwa, opo a kateke emangululo lye uule woomwedhi odhindji.
Oshipotha shika sha kala nokuulikwa koradio yomuzizimbe, o sh alisha na na a at alioy end jimuuyu ni. Aapanguli yaSouth Africa oya li yah ala okugandja efano nokuulika kutya Pistorius omugeyintu, omuklumentu omukolokoshi, e na ohokwe inaayi uka yoondjembo, sho a li a dhipaga ohond a ye yi na oomvula 30 mokati kuusiku.
“Ondi wete kutya okwa pwidhuka ashike nokugeya ee te mu yaha. Paung am em wenei nan dita ala ehoko lo lo lyokutya okwa luka ombudhi ya iteyela mo,” Mark West, omuthaneki ngoka a li a longo pamwe naSteenkamp petameko lyiilonga ye onga omuuliki gwiikutu ta ti ngaaka. Ongundu yokutalulula iipotha nedhiminathanopo, ndjoka yin a aantu yatatu oku uka pombanda, otayi ka tala komapopyo gaPistorius, gooSteenkamp osho wo kaatseyinawa yiinima yonkalathano naanambelewa yondholongo.
Otaya ka tala komayihumbato ge, onkalo moka e li pamadhilaahilo osho wo kutya okwa zulwonkalo shit hike peni.
Ngele Pistorius okwa ndopa okudhiminwa po kompangu nenge ooSteenkamp ye li ompinge nemangululo lye, ota vulu okuya kompangu opo a pule a mangululwe ngaashi shi li paveta yaSouth Africa kutya omuntu ota vulu okumangululwa eli kohi yetonatelo konima a longela etata lyoomvula dhegeelo.