Ge Tare ǀgora!gâ-aodi ge Hoan xa ǀgapi ǁnâu!gâ!khaib !nâ nî !oabase ge !khaehe
!Hūb di ǁÛb, Hage Geingob ge ǂHanu-aisib !Oabas Ôa!nâ!nans (JSC) di aoǁguib !oagu !nona tare gora!gâ-aode Hoan xa a ǀgapi ǁNâu!gâ!khaib !nâ ǂnûǁkhaeba ra !harodi !nâ nî !oabase ge !gaeǂgā. ǁÎdi ge 1 !Hoaǂkhaib 2023 – 31 ǀKhūǁkhâb 2024 dis kōse, ǁaupexa kurib ǀgaiba nî sîsenxa.
ǀGapi!gôahesa ǀGora!gâaos, Rita Makaraus ge nēs hâ!nâ !haros !nâ Zimbabweb !Hūǂhanusi ǁNâu!gâ!khaib !nâ ǀgora!gâ-aose ra !oaba. ǁÎs ge nēs ai!â Hoan xab ǁîba a ǀGapi ǁNâu!gâ!khaib Zimbabweb dib !nâ ge ǀgora!gâ-ao-i tsî ǁkhāti Zimbabweb ǀGora!gâ-aoPresidentse ǀGapi ǁNâu!gâ!khaib !nâ gere !oaba.
ǀGapi!gôahesa ǀGora!gâaos, Hannelie Prinsloos ge ǂnûǁkhaeba ra ǀgora!gâ-aos Hoan xa a ǀGapi ǁNâu!gâ!khaib dis ase 1 !Hoaǂkhaib 2023 – 31 ǀKhūǁkhâb 2024 dis kōse nî !oabase ge !gaeǂgāhe.
ǁÎs ge ǀGapi ǁNâu!gâ!khaib tawa 1 ǂKhoesoab 2017ǁî kurib disa xu go sîsenxa i. ǀGapi!gôahesa ǀGora!gâ-aos, Esi Malaika Schimming-Chase tsîn ge ǀgora!gâ-aos Hoan xa a ǀGapi ǁNâu!gâ!khaib dis ase 1 !Hoaǂkhaib 2023 – 31 ǀKhūǁkhâb 2024 dis kōse nî !oabase ge !gaeǂgāhe.
ǁKhātib ge !Hūb di ǁÛba sao ra ǀgora!gâ-aoga ǂnûǁkhaeba rase ǀGapi ǁNâu!gâ!khaib !nâ nî sîsenxase ge !gae.
ǀGora!gâ-aob Collins Parkeri ge ǁkhawa nî ǀGapi ǁNâu!gâ!khaib !nâ 1 !Hoaǂkhaib
2023 – 31 Hôasoreb 2023 dib kōse sîsenxase ge !gaehe.
ǀGora!gâ-aob Moses Chinhengob ge 18 Taraǁkhumuǁkhâb 2023 – 31 Hôasoreb 2023 dis kōse nî !oabase ge !gaehe.
ǀGora!gâ-aob Chinhengob ge a ǁhû!aosa ǀgora!gâ-ao Zimbabweb di ǀgapi ǁNâu!gâ!khaiba xu tsî ǁnās ai!âb ge Botswanab ǀGapi ǁNâu!gâ!khaib tsîn !nâ gere !oaba. ǁîb ge nēsisa ǂnûǁkhaeba ra ǀgora!gâ-aob ase, ǁNâu!gâ!khaib ǁKhawa ǁGui-aisa ǁKharaba Kō!gâbahes Kingdommi
Lesothob dib tawa a sîsenxa. Advokat Ramon Maasdorpi tsîn ge ǂnûǁkhaeba ra ǀgora!gâaob ǀGapi ǁNâu!gâ!khaib dib ase 16 !Hoaǂkhaib 2023 – 31 ǂKhoesaob 2023 dis kōse nî !oaba.
ǁÎb ge advokat !haros !nâb ge 2009ǁî kuri a ǁgaumâihes khao!gâ Advokatn di ǀHûs di ǁanise go hâ i. ǂHanu-aisib !Oabas Ôa!nâ!nans ge hoa ǂnûǁkhaeba rase go ǁgaumâige ǀgora!gâ-aona !gâib ǀguiba ǁîn di !oabadi !nâ ra ǁkhoreba.