Omudhimba gwa itsuwa mokandjugo mOtjiwarongo
Ongula yOlyomakaya, okwa li kwa itsuwa omudhimba gwomulumentu, lwaadhikamokandjugomondoolopa Otjiwarongo molukanda lwedhina Tsaraxa Aibes. Omukuluntu gwiinima yi na sha noshigwana mopolisi yashitolwa Otjozondjupa, Maureen Mbeha, moonkundathana noshikundaneki shoNampa mOlyomakaya okwa ti omulumentu nguka okwa tongololwa nedhina Matheus Shalongo Fernando gwoomvula 25.
Otaku hokololwa omulumentu nguka okwa li anuwa e ya mOtjiwarongo okuza koRundu mEtitano olyo tuu ndyoka a dhipagwa. Olutu olwa li lwa adhika lu na iilalo iitalala komutse, tashi ulike kutya okwa fa a dhengwa sigo omeso noshinima inaashi tseyika, Mbeha ta ti ngaaka. Oshipotha shedhipago osha patululwa shi na sha noshinima shika nomakonaakono otaga tsikile. Omwa patululwa wo iipotha ine yaantu ya kwatwa nomapangwe mEtitano, osho olopota yopolisi yiiningwanima yehuliloshiwike ya lopota ngaaka mOsoondaha. Omulumentu gwoomvula 19 okw a li a mangwa po moLüderitz molukanda Nautilus sho a li adhika nuupakete 29 wepangwe tali vihi oograma 55,30 osho wo oshimaliwa shoN$2 760 konima sho kwa li opolisi ya patolola. Omulumentu gwoomvula 21 okwa li a mangwa po esiku olyo tuu ndyoka moLüderitz molukanda Jakkalsdraai konima sho a adhika noshipakete shoontanga dhepangwe tashi kotha N$480 konima opatolola yopolisi ya ningwa. Aafekelwa ayehe oya li ya holoka mompangu yaMangestalata ya Lüderitz mOmaandaha.
Moshiningwanima sha faathana, esiku olyo tuu ndyoka, omulumentu gwoomvula 26 pamwe nakuume ke komiihole omukiintu gwomimvo 31 oya li ya mangwa po moKhorixas molukanda Hollywood konima sho ya adhika nuupakete 10 wepangwe. Mondoolopa omo tuu moka molukanda olwo yuu ndoka mEtitano, omulumentu gwomimvo 26 okwa li a mangwa po sho a adhika nuupakete 19 wepangwe. Inaku tseyithwa natango ongushu yiingangamithi mbyoka. Aafekelwa oya holoka ohela mompangu yaMangestalata yaKhorixas. Metitano omo tuu moka, omulumentu gwomimvo 34 osho wo omukiintu gwomimvo 26 oya li ya mangwa po sho anuwa ya adhika