Kansela gwoLPM mOtjiwarongo ota ti muni oha longekidha iinima ‘muumbudhi’
A mus hangwa gwongundu yoLandless People’s Movement (LPM) koshitayi shaOtjiwarongo, Sebetius Guiteb okwa ulike muni waTjiwarongo omunwe ta ti oha ‘unganeke iinima muumbudhi’. Guiteb ngoka eli kasela melelo lyondoolopa noku li oshilyo shokangundu mutima kelelo lyondoolopa pethimbo lyoshigongi shiikundaneki okwa ti muni oha longo meholamo ta ti melelo lyondoopa omu na uulingilingi owundji. “Shoka oshiwineyi sha shiga ko osho shoka kutya muni oku na iiholekwa ndele nande ongame ngu ndili mpaka onga kansela kandi na esiku ndi pewa omayakulo nande ondi pule,” ta ti ngaaka. Ta gwedha po ta ti omatokolo gena sha nelelo lyondoolopa ohaga ningilwa kondje yelelo, nookasela yondoolopa oha ye ya owal oku pewa omatokolo ngoka ga ningwa. Ta ti sigo oompaka kape na uuyelele ngele ooplota dhoko Extension 12, Extension 13, the Heroes Park nokoFreedom Park natango odhi li momalandithilo. Kansela nguka gwo LMP okwa ulike omunambelewa omukuluntu pitithi gwondoolopa Moses Matyai ta ti oha ihumbata ta lele ehangano lyomonanguwi, pamwe niilyo ine yoSwapo. Mokuyamukula ndhoka, Matyayi okwa ti ndhoka tadhi popiwa kuGuiteb odhanakalindi, kadhi na uushili noshinima owala sha etwa po pamandhilongo kuKansela ngoka goLMP. “Omuetipo gwoohapu ndhika oha tungu po iinima kaayi shi yoshili e te yi tala ko ya fa yoshili, ye ishewe okwa hala apuukithe aantu ta longitha omukalo gwombiliha opo shi mu etele omauwanawa gopaumwene,” Matyayi ta ti. Matyayi ta ti ondoolopa yaOtjiwarongo oya totwa po pakatendo komalelo goondoolopa komo1992, nookasela oya pumbwa oku longa pauyuki nomuuwanawa waakwashigwana, tashi pitile momundhingonoko gwa silwa oshimpwiyu pamikalo adhihe. “Tse katu shi ehangano lyomonanguwi lyopaukwiita, ndele otuli endiki lyoshigwana ta tu lela koongonga veta nomalandulathano gomoshilongo, onkene ndhoka tadhi popiwa kukansela odhanakalindi, ota kutha kekothi nokadhi shi oku pulakenwa, dho ishewe kadhi na mo ehala moomuni, ndele ehwahwameko lyowala lyopapolitika,” Matyayi ta mana oku popya.