Omaliko otutututu gomumwaMugabe ga thamunwa pehengathano
Bona Mugabe, omwanakadhona gwapresidente omukulu gwaZimbabwe Robert Mugabe oku na omagumbo 25, mwa kwatelwa ndyoka enene lyi li kondje yiilongo koDubai tali kotha oodola oomiliona. Shika osha li sha etwa puuwayela momikanda dhi na sha nehengathano dhomusamane gwe, Simbarashe Mutsahuni Chikore.
Chikore kwa li wo a totha mo oofaalama 21, oohauto dhondilo mwa kwatelwa oRolls Royce, Bentley nooRange Rover, iilongitho yomoofaalama, omashina noshimaliwa koomuma. Ota pula opo omaliko ye ga topolelwe, ta ti oga li ga gongala pethimbo lyondjokana yawo, anuwa ga zi mokuumbilwa, nomokuthigulula omupresidente omukulu ongofuto yiilonga ya longa.
Omaliko ngoka ga tumbulwa momikanda dhehengathano oge li komahala gaakengeli noohashikeshalye moHarare. Okwa gwedha mo kutya omaliko ngoka ga tothwa mo oganathangwa lela okuyelekanitha nomaliko agehe ngoka Mugabe e na.
Bona naChikore, ngoka e li omuhingindhila, oya li ya hokanathana momumvo 2014 mohango ndjoka ya li ya dhenga mbanda pegumbo enene lyaMugabe lyedhina
Blue Roof mehala lyiipuna lyedhina Borrowdale moHarare. Bona, 32, okwa li a pula ehangathano paveta, opo a henge omusamane gwe gwoomvula 46 muMaalitsa, ta ti ondjokana yawo oya adha okwena kwa thita thilu. Mbaka yaali oya hokana uule woomvula omugoyi.
Moombapila dhompangu, Bona okwa li a pula a tekule oyana yatatu osho wo oshimaliwa shoUS$2 700 (N$49 200) komwedhi mokanona kehe. Ashike Chikore okwa hala ya ye omaliko pokati manga ompangu inaayi ninga etokolo lyaangoka ta ka kala naanona. Ehengathano ndika olya dhenga Aazimbabwe oyendji pomutima, omutoolinkundanaHopewell Chin’ono okwa ti shika osha ulika nkene ongundu yopapoltika tayi pangele tayi yugu Aazimbabwe evi.
“Aazimbabwe oyendji nena oya li ya kumwa kombinga yuunene wevi mboka wu li momake gaBona Mugabe moBorrowdale. Evi osho lya yakwa kAazimbabwe kaanapolitika aakengeleldhi yongundu yopapolitika yoZanu-PF. Epangelo olya li lya ningi eyindilo lyevi, yo taye li tula momake gaanapolitika aakengeleledhi yoZanu PF,” Chin’ono ta ti ngaaka, MEtine, oZanu PF oya li ya nukile pomutenya kutya Bona Mugabe oye na omagumbo otutututu.
“Bona naChikore kaye na mo evi moCarrick Creagh. Okampani yopaumwene yin a sha nokutunga yedhina Arosome Preperty Development (Pvt) Ltd, oya tie vi lyoohekita 213 794sqm moCarrick Creagh ndyoka lya toythwa mo moombapila dhehengathano kutya odha Bona Mugabe, nenge dha Simba Chikore, nenge lyawo ayehe, odha li dha shunithwa nale kepangelo. Okampani tayi tie vi ndyoka lya tothwa mo olya li lyookampani ndatu moka Mugabe a li omukuluntu gwadho, ashike oombapila dhuumwene oya li ye dhi kuthwa petameko lyaFebuluali nevi lya shunununwa kepangelo na italivuluokugandjwananado okugumwe gwomuyo.