Okaana keemwedi nhatu vati ka kwatwa onghonga
Oshiningwanima shi tilifa shokaana keemwedi nhatu vati ka tambulilwa moshipangelo konima eshi ka kwatwa onghonga komulumenhu wambulavo weedula 27 osha lopotwa mexuliloshivike.
Oshingwanima osha ningwa mexuliloshivike komukunda Iishanaputa moshitukulwa shaMusati efimbo lokomatango.
Omukulunhu koshikondo shokukonakona oimbuluma wopolifi mOmusati komufalapedu Moses Simaho okwa hokolola ta ti oshiningwanima osha ningwa pefimbo ina yokaana kwa li a ya keendingosho a ka landa omaadi okulya.
Opolifi oya ti ina yokaana okwa fiila omufekelwa okaana opo a kale nako manga ta i keendingosho.
Vati eshi a fika meumbo okwa hanga poukainhu wokaana tapa di eehonde noshoyo okaana taka kwena otashi ulike kutya oka longelwa omunyonena wopaixulo.
Otaku hokololwa kutya ina yokaana oku li ha longo meumbo omo onga omunailonga.
Omufekelwa okwa holoka momhangu yOutapi nota pangulilwa oshibofa shekwatonghonga.
Opolifi onghee nga tai twikile nokukumaida oshiwana shiha fiye vali ounona voukadona momaumbo novalumenhu molwaashi okwa didilikwa ounona voukadona va ninga oihakanwa yokukwatwa onghonga kovapambele vavo.
Oshiwana osha kumaidwa yoo vali opo shi kale tashi lopota oibofa yomakwatonghonga pefimbo.
Oshiningwanima shikwao, omukainhuweedula28okwaponokelwa meumbo laye komulumenhu weedula 35 ndele ta kwatwa onghonga.
Oshiningwanima osha ningilwa komukunda Efidi Lyomulunga moshitukulwa shaShana mexuliloshivike.
Opolifioyahokololataitiomufekelwa okwa teya po omuvelo weumbo nokudja opo okwa ya monduda yokunangala yomukainhu noku ya naye moixulo.
Omufekelwa vati meumbo okwa vaka mo yoo vali ongodi yopeke, oshimaliwa N$600 noTV.
Omufekelwa okwa kwatwa po noinima ei kwa li a vaka po oya monika.
fhamalwa@nepc.com.na