Colombianarane støttar fredsavtalen

Tron Ljødal hevdar at eit problem med Noreg sitt engasjement i Colombia er skilje mellom «[den diplomatiske konsensusen]» om forhandlingane og opinionen i landet. Sjølv om internasjonal støtte er viktig, er støtte frå folket avgjerande i følgje Ljødal. Dette synet deler me. I motsetnad til Ljødal meiner me fredsprosessen i Colombia har støtte frå folket. I desember 2017 spurte me 1424 personar i Tumaco og Mesetas om kva dei tykte om sentrale punkt i fredsavtalen. Dei uttrykte overveldande støtte.

Tumaco og Mesetas var ikkje tilfeldig valt. Båe kommunar er sterkt prega av den over femti år lange konflikten i Colombia. Om nokon skulle ha grunn til å mislike fredsavtalen, burde det nettopp vera folk i Tumaco og Mesetas. Likevel, i båe kommunar uttrykkjer det store fleirtalet av respondentane stor støtte til fredsavtalen.

Dette såg me òg i folkerøystinga om avtalen i oktober 2016. Eit ørlite fleirtal røysta i mot avtalen. Størst var motstanden til avtalen i område som for det meste ikkje har vore direkte råka av konflikten. I områda hardast råka av konflikt røysta derimot fleirtalet for.

Igjen syner forskinga vår, som vart finansiert av Utanriksdepartementet og UNDP, det same. Dei som er hardast råka av konflikten er mest positive til fredsprosessen og fredsavtalen. Sjølv blant dei som rapporterer å ha opplevd traumatiske hendingar slik som drap eller forsvinningar i naer familie, er støtta til avtalen høg.

Mykje arbeid står att i Colombia. I dette bør Noreg halda fram som ein viktig støttespelar, for colombianske styresmakter òg for dei internasjonale og lokale organisasjonane som gjer ein heilt avgjerande innsats i landet. Colombianarane støttar i det store og heile fredsavtalen, men på sikt vil denne støtta vera avhengig av at folk faktisk ser at ting vert betre. på NRK2 idet de faste nyhetssendingene begynte på NRK1. Heldigvis er det sjelden at dette skjer – sist gang var i mars.