Solvik Olsens mjølkekrise
Samferdselsministar Ketil Solvik Olsen angrip Senterpartiet i lesarbrevsform rundt om i landets aviser for at Senterpartiet mjølkar bilistane for avgifter og bompengar.
Ja det kom jammen frå rett kjeft!
Solvik Olsen set nå nye rekordar for kvar dag i bompengeinnkrevjing og bensinprisen har aldri vore så høg som no. La oss berre sjå på rekordtala for siste år.
For 2017 passerte bompengeinnkrevjinga 10,2 milliardar kr og i år vil det naerme seg 11 milliardar kr!
Vi har altså ein samferdselsministar frå FrP som har gått til val på at når dei kom i regjering skulle alle bomstasjonar bort. Det er same Solvik Olsen som nå set nye bompengerekordar kvar dag.
Angrep er som kjent det beste forsvar. Derfor prøvar Solvik Olsen å underslå kva dei faktisk gjer, ved å angripe Senterpartiet med billig retorikk om at det er vi i Senterpartiet som mjølkar bilistane.
Når skal samferdselsministaren innrømme at han og FrP ikkje har som intensjon å fjerne bompengane, men at dei vil fortsetja å mjølke bilistane?
Eller kan vi forvente at han og regjeringa ikkje kjem til å legge fram nokon nye bompengeprosjekt til behandling i Stortinget i komande år, men heller finansiere vegutbygging på anna måte?