AUSTRE MOLAND: Badstu erstattet med ny bu

På idrettsplassen i Brekka står det nå ei nybygd bu med plass for sikringsskap og andre viktige ting for idrettslaget.

Bua erstattar den gamle badstua som i mange år har vore lagerbygg og kiosk ved grasbanen.

Det var aktiv bruk av badstua ved Brekkaelva frå like etter krigen og i drygt ti år framover. Brekka ungdomslag og Austre Moland idrettslag samarbeidde både om bygging og bruk av badstua, før folk flest fekk bad og dusj heime.

Men tidas tann har taera på noen av tømmerveggane.

Da idrettslaget fekk bygd seg eit flott klubbhus med både møterom, garderobe, lager og kiosk like ved, er det blitt litt mindre bruk for badstubygget.

Nå avdøde Ole Andreas Moen ville gjerne ta vare på badstua, og foreslo å flytte bygget ned til ungdomshuset Heimtun. Det var også ungdomslaget samd i, og Ole Andreas Moen ga ei testamentarisk gåve til arbeidet. Seinare har også Sparebanken Sør bidratt for å ta vare på bygget som fortel om ein badstutradisjon i bygda.

Sigmund Dale, Eivind Dale, Jon Johnsen, Jens Tveite, John Bernhard Johnsen og Trond Ivar Moen har tatt på seg arbeidet på dugnad.

Dei har tatt ned badstua stokk for stokk og køyrt alt til Hesthag for å bruke vinteren til restaurering. Samtidig har dei bygd ei erstatningsbu ved idrettsplassen, med både sikringsskap og lagerplass.

Til sommaren kjem badstua på plass ved Heimtun, restaurert med tømrar Jon Johnsen som fagkyndig leiar, og på idrettsplassen i Brekka er det alt nå på plass ei nybygd bu med nye og friske veggar.