Nynorsk naeringslivspris
Bedriften har brukt nynorsk i alle ledd og fekk difor pris.
Kvart år deler Mållaga på Agder ut ein nynorsk naeringslivspris til eit firma som nyttar nynorsk i marknadsføringa av produktet sitt.
Naeringslivsprisen 2018, ein gåvesjekk på 10.000 kroner og diplom, går til Rysstad Laftebygg AS ved
Knut H. Rysstad.
Prisen er etablert av Mållaga på Agder for å stimulere til nynorsk i naeringslivet.
Knut H. Rysstad er eigar og dagleg leiar av firmaet som lever av å levere laftebygg. Firmaet har markert seg med solid kvalitet på den tradisjonsrike byggjemåten.
Men dei byggjer òg hytter med vanleg reisverk. Og har eige sagbruk, så dei har kontroll på materialane frå fyrst til sist.
Så tilbyr dei tomter, transport, graving, snømåking, vedlevering, reinhald, vedlikehald med meir.
I tillegg driv dei ein modellverkstad i Valle som leverer hagemøblar, gapahukar, små hytter/anneks, badestampar og sledekasse til snøskutar. Sist, men ikkje minst, har Rysstad Laftebygg AS gjennomført nynorsk i alle ledd. Stikk du innom firmaet på Rysstadmoen, så får du høyre setesdølsk av kav karane der.
Treff du på dei på stand på Evjemoen, så er det reklameplakatar og brosjyrar på nynorsk du får auge på. På heimesida likeså.
Rysstad Laftebygg AS er etter vår meining ein svaert allsidig og verdig vinnar av naeringslivsprisen.
Det er åttande gongen Mållaga på Agder deler ut ein slik pris (sist prisen vart delt ut, var i 2014), og i juryen for 2018 var leiarane og nestleiarane i Aust- og Vest-Agder Mållag, Astrid Myhre, Marit Fjordheim, Øyvind Grov og Åslaug Haugå, - og Sigurd Haugsgjerd, Anne Tone Hageland og Jan Kløvstad.
På bildet ser vi at Knut H. Rysstad fekk naeringslivsprisen overrakt av jurymedlem Jan Kløvstad under A.O. Vinjekvelden i Kulturveka i Valle.