Så langt er vi altså komne. Det er jo ikkje til å tru
Det er grunn til å vere uroleg over korleis dei store datakonserna som Google, Microsoft, Apple og Facebook nyttar alle data vi legg igjen etter oss på nettet. Dei har blitt styrtrike på å selje vidare data som avslører våre interesser og forbruksmønster. Derfor har desse selskapa ei klar interesse av å fremja ein politisk ideologi som støttar opp om det kapitalistiske forbrukarsamfunnet. Til dette har dei og fått svaert god hjelp av dei tradisjonelle media, som også i stor grad blir styrt av interessene til annonsørane. Dataselskapa og mediehusa har funne kvarandre i dette: Å forsvare det rådande økonomiske systemet. Frå omkring år 2000 ga datautviklinga oss ei viktig nyvinning, Internett. Dette ga ei stor oppblomstring av alternative media som kan operere uavhengig av sterke økonomiske interesser. Slik sett kan alternative media bli eit viktig tilskot til demokratiet. Og ikkje minst kikke dei tradisjonelle media i korta. For min eigen del kan eg konstatere at eg blir langt meir opplyst av å lese alternative media som RT og Steigan enn avisene og NRK. Det rekk med 10 min på Aftenposten dagleg, medan eg treng ein time eller to på alternative kanalar på Youtube. Ikkje rart at dei tradisjonelle media ser på alternative media som ein trussel. Det er nok derfor vi har fått den såkalla «fake news» debatten. Microsoft har nå vedtatt å legge ved NewsGuard appen i Edge nettlesaren. NewsGuard skal «vurdere» kvaliteten til ei internettside. Slik at når eg dreg musa over rt.com, steigan.no eller Wikileaks.org så lyser det rødt, medan det lyser grønt når musa er over aftenposten.no, bbc.com eller cnn.com.
Så langt er vi altså komne. Det er jo ikkje til å tru. Microsoft opptrer som tankepoliti. For min del betyr det heilt klart: Goodbye Microsoft!