Nordisk kontor er lagt ned etter 30 år
Etter tre tiår med nordisk innsats, er Nordisk informasjonskontor i Arendal lagt ned. Historia er samla i bok.
Artikkelen er sendt inn av avtroppet dagleg leder, Jan Kløvstad, som har publisert den på sideblikk.agderposten.no:
Vi skaper entusiasme for Norden! Det er tittelen på den splitter nye boka om Nordisk informasjonskontor Norge, om 30 år med stor nordisk innsats.
136 gjennomillustrerte sider, med artiklar om Latviasamarbeid, Interreg, nordisk litteratur, Norden i Arendalsuka, Nordiske dagar i Jylland, Kjaempestaden, informasjonsarbeid over heile Norge — og mykje, mykje meir.
Skagerrak-Olsen
Den aller første sjefen på kontoret var Harald Olsen i 1990. Han sette i gang så mykje samarbeid over Skagerrak at Agderposten kalla han Skagerrak-Olsen.
Neste sjef var Tore Tunold, som blant anna sette i gang det omfattande samarbeidet mellom Arendal og Aust-Agder og Rezekne i Latvia.
Kjaempestaden
Kristin Lundby starta både lokalhistorisk nettverk og kulturnettverk rundt Skagerrak, og stod i spissen for imponerande norske dagar i Jylland i 1995.
Etter at Lundby blei kultursjef i Arendal, overtok Unni Ramsvatn, som blant anna stod i spissen for den store kvinnekonferansen Fasett i 2002 og var den som tok initiativet til den enorme byfesten Kjaempestaden.
Lesehefte
Hilde Lona førte kontoret inn i store Interreg-prosjekt, og var ein berebjelke saman med konsulent Christin Bjerke i mange år.
Heilt sidan 2004 til nå har Christin Bjerke laga dei populaere årlege nordiske lesehefta og vore sekretaer for Rezeknesamarbeidet.
Nå har ho og avtroppande dagleg leiar Jan Kløvstad redigert ei fyldig bok om Arendal i Norden.
Men ved årsskiftet blei kontoret lagt ned. Etter at støtta frå Nordisk ministerråd ikkje lenger var øyremerka, har landsstyret i Foreningen Norden til stor overrasking for både ministerrådet, fylkeskommunen, Kulturdepartementet og Arendal kommune valt å bruke det nordiske tilskotet til andre oppgåver.
Boka, gitt ut på Bokhuset Forlag, har fått den optimistiske og dekkande tittelen Vi skaper entusiasme for Norden!