Fortviler – fryktar ferja hamnar i Larvik
Reiselivet i Setesdal er overraska over at Kristiansand ikkje kan ta imot ei ny ferje frå Nederland. Tim Davis i Troll Aktiv er redd for at ferja i staden vil gå til Larvik og at turistane hamnar i Telemark.
– Eg kan ikkje skjøne at dei ikkje kan finne plass til denne båten. Den sikrar grupper som elles vil reise andre stader. Dette er ein svaert spennande kundegruppe for oss, seier Tim Davis, eigar i Troll Aktiv på Syrtveit i Evje og Hornnes.
Reiselivet i Setesdal er fortvila over at manglande kapasitet i Kristiansand havn kan føre til at ei ny ferje ikkje kjem på plass.
– Eg hoppa i stolen då eg såg dette, seier Rita Hansen, dagleg leiar i Setesdal interkommunale politiske råd.
Då rederiet Holland Norway Lines gjekk konkurs i fjor var det ifølgje Hansen «som ei rullegardin som gjekk ned». Reiselivet i regionen mista viktige kundar.
Før helga kom det fram at bustyrar er i kontakt med to interessentar om å starte opp igjen ferja. Planen er to skip på ruta og dermed fleire avgangar.
Andre hamner
Problemet er at Kristiansand havn ikkje kan ta imot skipa. Kapasiteten i havna er sprengt.
– Vi veit ennå ikkje korleis vi skal ta tak i det, men det er svaert viktig for oss at vi får sendt eit signal om kor viktig ei slik ferje er, seier Hansen. Og legg til:
– Eg vil jo anta at at dei (rederia, journ.anm) vel andre alternativ om dei ikkje får Kristiansand. Vi vil sjølvsagt ha dei så naerme som mulig slik at dei kan køyre rett opp riksveg ni.
Saka blir truleg teke opp når ordførarane i Setesdal
skal samlast 7. februar.
– Naeringslivet har signalisert tydeleg at denne ferja var veldig viktig. Det er svaert uheldig at den slutta å gå, seier Hans Blattmann (Ap), ordførar i Bykle og styreleiar av Setesdal interkommunale politiske råd.
Frustrerande
Troll Aktiv på Syrtveit driv med opplevingar som rafting, sykling og klatring. Eigar Tim Davis er redd rederia vel Larvik dersom Kristiansand ikkje har kapasitet.
– Vi håpar havna snur alle steinar for å få dette til, for det vil vere eit stort økonomisk tap dersom denne ferja hamnar i Larvik. Då vil det vere Telemark som får desse turistane, seier Davis.
Både Troll Aktiv og andre reiselivsbedrifter har satsa på å trekke til seg turistar frå Nederland. Så gjekk selskapet konkurs.
– Det var frustrerande, seier Davis som sjølv har kontakta havna i saka.
Manglar kapasitet
Havnedirektør Atle Johannesen sa måndag til Faedrelandsvennen at «vi er nok dei som er mest fortvila» over at kapasiteten er for dårleg i havna.
Ifølgje havna er det ikkje mulig å få til eit nytt ferjeleie så lenge utbygginga av Gartnerløkka pågår. Det er først når denne utbygginga er ferdig at ein kan få auka kapasiteten.
I dag bruker også Kristiansand havn all sin kapasitet på ettermiddagane, og frå 1. februar skal Fjord Line utvide
med ein ny avgang. Dermed er det altså ikkje plass til fleire ferjer.
Johannessen skal orientere om saka i eit havnestyremøte tysdag.
Stor sjanse
I Kristiansand har butikkar og serveringsstader merka at nederlendarane ikkje lenger kjem til byen. Men den dårlege kapasiteten i havna får altså konsekvensar langt ut over kommunegrensa.
– Ferja har gjeve oss veldig god trafikk både vinter og sommar. Vi synes det virkar litt defensivt å avvise den kontant, seier Roy Bakke, dagleg leiar i Visit Setesdal.
Ifølgje Bakke opna ferja heilt nye marknader i Tyskland, Belgia og Nederland.
– Alpane har blitt veldig dyrt, og då ser folk mot Skandinavia i staden. Så dette er ei ferje vi svaert gjerne skulle hatt tilbake.
Faedrelandsvennen var måndag kveld i kontakt med Larvik havn. Marknadssjef Beate Palmgren kunne ikkje då sei noko om kor vidt dei har vore i kontakt med rederia som er interessert i å starte opp att ruta til Nederland.