HOROSKOHPA - boahtte vahkku

FIERCA 21/3-19/4

Don háleštat lunddolaččat olbmuiguin ja guovttá gaskka hálešteamis doalahat maid dan movttegisvuođa. Ruovttus ja bearašoktavuođas leat hušas doaimmat, lea muhtinlágan ovttasbargu, sáhttá leat dálu ođasmahttin dahje juo fárren. Ovttasbargu šaddá hástalussan dan dihtii go máŋgasis leat nana oaivilat. Danin lea ge buoremus áššiid čoavdit buoremus láhkái ja lohkalit logi rádjái jus dovddat suhtu badjáneamen.

VUOKSÁ 20/4-21/5

Dus jorret oaivvis menddo ollu áššit oktanaga. Sáhtát maid fáhkkestaga fuobmát vaikke maid ja leat maid eambbo vuovdnái go muđui lávet, erenoamážit gulahallamis, nu ahte fertet vehá smiehtastit ovdal go sáddet makkárge suhtus reivve dahje dajat maidige unohasat. Go ráfiplanehta lea fas násttis, de sáhtát vuoiŋŋastit ja leat váibmoláđis, dat rahpá somás oahpásnuvvamiidda ja sosiála birrasii.

JUMEŽAT 21/5-21/6

Don leat menddo duođalaččat váldán guoimmi dahje lagaš ustibiid gaskavuođa, luoitil olggiid ja návddaš geasi. Ruđalaččat gevvet áššit menddo johtilit ja fáhkkestaga, juoga maid it lean vuordán sáhttá rievdadit maid ledjet áigon oastit dahje muhtin šiehtadusa. Lea dehálaš smiehtastit iige menddo johtilit mearridit, dainna sáhttet riiddut šaddat, erenoamážit dasa mii guoská oktasaš resurssaide.

REABBÁ 22/6-22/7

Rumašlaš bargguin ja ollu fámuid geažil šaddet dán vahkus ollu doaimmat, muhto soaitá don šattat menddo vuovdnái ja it ge vuollán jus earát eai leat ovttaoaivilis duinna. Justa nuppe láhkái mii lea Reabbá dovdomearka, de leat dál eanet njuolggočoalat itge mieđit vaikke mo de leaš. Dat dagaha riidduid, muhto lea vuogas jus lea dárbu iežat čalmmustahttit ja čorbmadit beavdái.

LEDJON 23/7-22/8

Dál leat oassádalli ja dáhtolaš ja láhttet hávskát ja soaitá menddo láđđásit. Dus leat máŋga beroštumi oktanaga, soaitá maid juogalágan mátki šaddat. Don dárbbašat maid vehá okto leamen, gávdnat vuoiŋŋalaš ilu, meditašuvnna oktavuođas dahje oassádallamis. Alkohola maid erenoamáš láhkái geasuha dál, muhto dan fertet várrugasat návddašit.

BUHTISNIEIDA 23/8-22/9

Dál vásihat ekonomiija buorráneami, dahje don árvvoštalat daid resurssaid badjelebbui go leat ja šattat stajidit eanet. Ruovttus dahje bearraša gaskkas fertet várrugas ahte it menddo sakka iežat seagut áššiide. Luomoáigge lea rumaš ja dearvvašvuohta guovddážis, nu ahte joavkodoaimmat geasuhit dál ja luomus lea čanastagat oktavuhtii mii lea idealisttalaš dahje molssaevttolaš, mas rumaš ja dearvvašvuohta lea guovddážis.

VIEHKAT 23/9-22/10

Vuordámušat ja liigenávccat leat guovddážis geasseluomus, muhto sáhtát leat eambbo vuovdnái ja iežas birra dušše smiehtat go muđui lávet itge dohkket vuostá dadjama go leat vuos mearridan maidige. Danin lea dál hui dehálaš smiehttat ovttasbarggu ja ráfi, jus jo áiggut earáiguin ovttastallat geat maid háliidit juoidá mearridit joavkkus. Dál lea vuogas áigi ovddidit čiekŋalit oahpásnuvvamiid ja guhkit áigge ustitvuođa.

SKORPIUVDNA 23/10-21/11

Guhkit ja rájakeahtes mátki oidno dán nástti vuolde, muhto dat sáhttá maid mentálamátki, mas duostat smiehttagoahtit ođđa geainnuid ja váldit dakkár mearrádusaid mat eai leat dábálaččat dutnje. Soaitá don fertet válljet eret dan mii ii buvtte oadjebasvuođa, ja dan mii lea álki, go don leat dan ovdal bargan. Muhto várut fal ahte it dušše ieš okto mearrit, muhto fertet earáid maid guldalit, ráđđádala muhtimiin geasa luohtát.

BÁHČČI 22/11-21/12

Ekonomiija ja resurssat, maid eaiggádušat ovttas dahje ovttasbarggat ekonomiijain, sáhttet leat hástalussan, erenoamážit go muhtin dahje máŋgasat leat eanet hátnásat go earát. Danin fertet vuoruhit bidjat njuolggadusaid mo oktasaš ruhtadilli galgá geavahuvvot luomus. Lagaš gaskavuođas lea álki menddo duođalaččat geahččat earáid dahje iežas, luoitilastte olggiid ja návddaš čuvges geasseeahkediid.

BÁKTEBOHKKÁ 22/12-19/1

Ođđa olbmot bohtet du eallimii, ja dasa leat rabas. Sihke romantihkka ja vuordámušat leat maid lahkosis, ja sosiálalaččat leat maid diliheapme ja impulsiiva. Muhto johtilit maid earduduvvot guoimmi ala dahje skihpáriid, ja leat eambbo gáibideaddji ja doaimmalaš go muđui lávet. Smiehtas ovdal go makkárge ustitvuođa hilggut go jurddašat nuppe bealde áiddi lea ruotnasat.

ČÁHCEOLMMÁI 20/1-18/2

Ovdáneapmi lea dál dutnje dehálaš fáddán, dás sáhttá leat geassit guhkit mátkki oktavuođas, dahje muhtin čoahkkima, mii addá ođđa árvvuid. Muhto dat beaivválaš rutiinnat givssidit du, ja johtilit earduduvvot daid geatnegasvuođaid ala ja maŋidat daid. Dát dilihisvuohta mii rupmaša givssida dan sáhtát atnit ávkin lihkademiin, ja luomu oktavuođas lášmmohallat. Várut fal ahte it menddo sakka doama, go das sáhttet smávva lihkohisvuođat geavvat.

GUOLIT 19/2-20/3

Dál leat doaimmalaš ja oainnát ja anát ávkki daid vejolašvuođain mat bohtet. Don leat ovddimuččas, smiehtat gilvvu, it ge dohkket leat maŋimuččas earáid searvvis. Dan seammás libarda romantihkka ja dan oktavuođas šattat duostileabbo ja návddašat eallima čuvges geasseeahkediid. Hástalussan sáhttá šaddat dohkkehit earáid rájáid ja soabadit ovdal go leat ceaggái.