MEARKABEAIVI 24.6. - Mihcamárat
Ovdalaš mihcamáraid bossot davvebiekkat, mat gohčoduvvojit jiekŋaváldinbieggan. Dát garra biekkat bistet mihcamárbeaivái. Mihcamárdálkkit fas bistet gitta Jágátbeaivái (25.7.).
Mihcamárain lea guovddáš geassi ja guolásteapmi álgá dalle. Dajahussan lea, ahte mihcamáraid boahtá čuoika vaikko guvttiin soppiin. Dát mearkkaša, ahte dalle álgá bohccuid bálgan ja misiid mearkun. Mihcamáraid luito maid maŋimuš šibit láiddomii. Dolin oarjesámit jovde mearragáddái sullii mihcamáraid, anáraččat ja Deatnogátte olbmot fas máhcce mearrabivddus.
Kristtalaš máilbmi basuha mihcamáraid Johanas Gásttašeaddji muitun. Mihcamárat leat maid čuovgga ávvudanbeaivi.