Suohttasat

Togas čohkkái muhtun boares, bánehis áddjá gii lei hui bahámielas. Doppe lea maid muhtin eadni mánáinis. Mánná čierostuvvá, ja áddjá šaddá vel eanet bahámillii, ja dadjá: – Don galggašit ruovttus orrut diekkár mánáin, naba jus dat lea buohcci ja munnje vel njoammuda dan dávdda. – Oččošit leat ilus, lohká máná eadni ja joatká: – Mánná lea oainnat bániid oažžume.

Ovllá: – Biera gal lea oba láikkes olmmoš. Jurddaš go lea velohallan duon muora vuolde olles golbma diimmu. Lemet: – Mas bat don dan dieđát? Ovllá: – Lean velohallan dás ja geahččan sutnje.

Elleš rohkadalai eahkes Ipmilii: – Ráhkis Ipmiláhčči, daga fal Bergena Norgga oaivegávpogin. Eadni: – Manne bat don dien rohkadalat? Elleš: – Mis han lei geahččaleapmi skuvllas, ja mun čállen ahte Bergen lea Norggas oaivegávpot.

Mihkkal: – Ovdalaš juovllaid oidnen máladoasa rámbuvrri láses, mii lei njeallje mehtera alu ja vihtta mehtera govddu. Elle: – Eai nie stuora máladoasa gal oba gávdno ge. Mihkkal: – In mun goit huma máladoasa birra, muhto rámbuvrri láse birra.