– Geaidnu čatná álbmogiid oktii
Bearjadaga rahpe dan ođđa Eurohpá-geainnu 105, dan ođđa Báhčaveaivuona šalddi Johkanjárggas Mátta-várjjaga gielddas. Olu olbmot ledje boahtán geahččat go Norgga ja Ruošša ministarat rabaiga dán geainnu mii čatná Norgga ja Ruošša johtolaga. – Dát čatná álb
Sihke Norgga ja Ruošša johtolatministarat ledje rahpandoaluin. Bisma ja metropolihtta buressivdnideigga ođđa šalddi, geainnu ja tunealla. Mátta-várjjaga čuojahanjoavku guoimmuhii mánáid ja olbmuid geat ledje boahtán rahpandoaluide.
Geaidnoprošeakta lea máksán 831 miljovnna ruvnnu, geaidnu lea 10 kilomehtera guhku, mii manná Hessengas Stuorravuovdái Ruoššarádjái. Dohko lea huksejuvvon 670 mehtera guhkkosaš tunealla ja 284 mehtera guhkkosaš šaldi. Seavdnjadin ihtá alit čuovga sihke dan ođđa šalddis Johkanjárggas, lávvohámálaš johtolatrieggás Hessengas ja vári vuostá lahka čuovgamáđijaid.
Ustitvuođa symbola
Norgga johtolatministtar Ketil Solvik-olsen logai rahpamis ahte go huksejit geainnuid ja šaldiid, dat čájeha háliidusa ásahit ustitvuođa ja eanet ovttasbargat, ja maiddái dan ustitvuođa mii lea guovtti riikka gaskka.
– Dát huksen lea guovtti riikka ovttasbargu ja dat čájeha ahte lea árvvus atnin ja dohkkeheapmi riikkaid gaskka. Infrastruktuvra čatná álbmogiid oktii ja buktá ealáhusaid lagabui. Dán guovtti riikkas lea áigumuš ovttasbargat sihke ealáhusain, kultuvrrain, guolástemiin, luondduin ja birrasiin, ja maiddái dearv- vašvuođain ja oahpahusain, logai johtolatministtar Ketil SolvikOlsen rahpandoaluin.
Buorre ovttasbargu
Johtolatministtar lohká ahte lea leamaš buorre ovttasbargu riikkaid gaskka, geainnuid, tunealla ja šalddiid huksema oktavuođas, muhto álggus ledje hástalusat oahpásmuvvat iešguđetge kultuvrrain ja dábiiguin.
– Dál lea viehka buorre dovdu, go dát lea leamaš dehálaš prošeakta Norgga bealde ja seammás čájeha dan ustitvuođa ja ovttasbarggu Ruoššain, lohká SolvikOlsen.
– Dohko gosa geaidnu huksejuvvo, doppe maid ealáska eallin
Ruošša várrejohtolatministtar Sergej Aristov lei giitevaš go beasai leat mielde rahpandoaluin Mátta-várjjagis.
– Dát geaidnu čatná Ruošša, Norgga ja Suoma oktii, ja maiddái min stuorámus hápmana Davviruoššas. Dát ođđa geaidnu sihkkarastá olbmuid sihkarvuođa johtolagas riikkaid gaskka, ja sihke Ruššii ja Norgii lea johtolat issoras dehálaš ealáhussii ja riikkaid infrastruktuvrii. Johtolat lea issoras dehálaš riikka ekonomalaš birgejupmái. Dohko gosa geaidnu huksejuvvo, doppe ealáska maid eallin. Otná beaivi
lea buorre ovdamearka dasa, dajai várrejohtolatministtar Sergej Aristov.
Symbolalaš árvu
Mátta-várjjaga sátnejođiheaddji Rune Rafealsen logai leat stuorra beaivin Mátta-várjjagii ja sin ovttasbargui
Ruoššain.
– Lea issoras stuorra beaivi mii mis lea dál dáppe Johkanjárggas dál, ođđa šaldi, tunealla ja geaidnu
Ruššii lea sajis, mis lea guhkes árbevierru ovttasbargat Ruoššain ja lea historjjálaš beaivi Norgii ja Ruššii. Šalddiid huksemis lea okta symbolaš árvu, dadjá Rafaelsen.
Issoras čáppat
– Lea issoras buorre ahte sámi láv- vosymbola ja šaldi lea arkitektonalaččat hui fiinnis, dan mo dát čuovgá alit čuovggain go sevnnjoda, dat lea hui čáppat, lohká son.
Johkanjárgalaš
Dan ođđa šalddi ja tunealla kránnjá Johkanjárggas, Torgun Kristensen, lohká dál johtolaga buorránit Johkanjárggas.
– Lea fiinnis go lea juoidá ođđa ja dál dat ovddit geaidnu šaddá vázzin- ja sihkkelgeaidnun, muhto maiddái beassat vuodjit biillain dan boares geainnu alde go áigut vuolgit Girkonjárgii, dadjá son.
Fiinna alit čuovga
Son lohká son sáhttá oaidnit dan ođđa šalddi iežat viesus ja son lii- ko erenomážit bures go lea seavdnjat.
– Leamaš fiinnis dát alit čuovga šalddis eahkedis go sevnnjoda ja dán seamma alit čuovgga oaidnit čuoigganláhttus dálvet, dadjá Torgun.