Historjjálaš unnán bargguhisvuohta Finnmárkkus
Čakčamánu loahpas ledje 1082 olbmo registrerejuvvon bargguhága Finnmárkkus. Lea 141 unnit go seamma áigge diibmá, ja lea 2,7 proseantta Finnmárkku bargoveagas. Bargguhisvuođalogut eai leamaš ná vuollin 70-logu rájes Finnmárkkus.
Finnmárkku positiiva ovdáneapmi joatká. Sihke dan jahkásaš fitnodatiskkadeapmi, maid NAV čađahii, ja eará bargomárkaniskkadeamit mat leat dahkkon, čájehit ahte fitnodagain Finnmárkkus lea leamašan stuorra dárbu bargiide, ja fitnodagat maiddái dieđihit ahte lea vel eambbo dárbu bargiide ovddasguvlui. Fitnodagat dárbbašit 25% eanet bargiid diimmá jagi ektui. Dan seammás lea muhtin fitnodagat, mat leat vuordán bargolassáneami, ain eanet lassáneamen, ja Finnmárkkus lea stuorát vuordámušat lassáneapmái go eará sajiin riikkas. Dát čájehuvvo ahte leat positiiva ja buori boahtteáiggevejolašvuođat.
Huksen- ja rusttetfitnodat ja turismaealáhus
– Olu huksen- ja rusttetfitnodagat dárbbašit eanet bargiid. Lea erenomážit dárbu elektrihkkáriidda, huksejeddjiide ja snihkkáriidda. Huksen- ja rusttetfitnodagain lea gos oaidnit deháleamos ekonomalašovdáneami, ja danin lea hui movttiidahtti go dát ealáhus lea stuorrumin ná olu min fylkkas, muitala NAV Finnmárkku bargi Eva-lill J. Margit.
Maiddái turismaealáhusas, dearvvašvuođasuorggis ja oahpahusas vásihit dárbbu eanet bargiide. Dat buorre bargomárkan orru joatkimin ovddasguvlui. Jus dárbbašat gelddolaš ja oadjebasbarggu, de leat dat vejolašvuođat min davimus fylkkas.