Ásaha rehabguovddáža Guovdageidnui
Bivdit leat miehtá Norgga ja čájehuvvo ahte Davvi Trøndelágas bivdá juohke logát olmmoš ja Finnmárkkus leat 6300 registrerejuvvon bivdi. Leat eambbo nuorat ja nissonat maiddái searvan bivdduide, čállá If dáhkádusfitnodat preassadieđáhusas.
Oslos unnán bivdit
Bivdimis lea guhkes árbevierru Norggas ja lea šaddan bivnnuhis áigegollun sihke nuoraide ja rávisolbmuide, dievdduide ja nissonolbmuide. If lea čađahan ođđa dutkama mii čájeha ahte Davvi Trøndelágas, Finnmárkkus ja Hedmárkkus leat eanemus bivdit Norggas. Unnimus lohku lea Oslos.
Buot agiin
Statistihkalaš Guovddášbyrå loguid mielde leat 142.100 bivdi Norggas. Stuora oassi sis leat juste dál bivddus, bivdime ealggaid, bohccuid ja rievssahiid.
– Bivdit leat buot agiin ja dál leat eanet nissonolbmot vel mielde bivdojoavkkuin. Lea buorre go ožžot nuoraid mielde bivdui, nu ahte Norgga boares bivdoárbevierru seailluhuvvo, lohká IF dáhkádusfitnodagas Ole Lislebø, gii ieš maid lea áŋgiris bivdi.
Ii leat dáhkádus
– Eanas bivdiin dán áigge leat bivdodávvirat logiid duháhiid ruvnno ovddas. Earet go bissu de lea dávjá bivdorádio, GPS beatnagii, giikkár ja vel eará rusttegat. Eatnasat leat dáhkádusa háhkan bissui, muhto eai fal eará dávviriidda. Mii leat háliidan álkidahttit dan, nu ahte mii leat ráhkadan sierra bivdodáhkádusa, mii gokčá buot bivdodávviriid vaikko gos máilmmis livččet, lohká Lislebø If dáhkádusfitnodagas.