Geahččalit fas čohkket doarvái nissoniid
Ávju áigu ealáskahttá nissonjoavkku:
Ávjjus ii leat máŋgga jahkái leamaš aktiiva nissonjoavku. Diibmá, go geahččaledje, eai gártan doarvái čiekčit. Dál geahččalit fas.
IL Ávjjus ii leat leamaš aktiiva nissonjoavku spábbačiekčamis máŋgga jahkái. Diibmá go geahččaledje čohkket čikčiid, de eai gártan doarvái.
Diibmá eai lihkostuvvan
Vaikko diibmá eai gártan doarvái čiekčit, de geahččala Ávju jođiheaddji, Frode Tangen, ođđasit dán jagi.
– Lean dál dieđihan joavkku dán dálvvi futsal ráidočiekčamii, ja sávan ahte nagodan gártadit čikčiid. Nissonjoavkkus eai leat vel leamaš hárjehallamat, nu ahte in dieđe vel galle čiekči mis leat, muhto leat ožžon hárjehallandiimmuid valáštallanhállas, ja áigut hárjehallagoahtit, čilge son. Vaikko dál ii leat vel lohku galle čiekči sis gártet, de lea sus buorre doaivva nagodit gártadit joavkku ráidočiekčamii.
– Mun doaivvun ja sávan ahte mis gártet doarvái čiekčit, dadjá son.
Máŋga jagi áige
Tangen muitala ahte Ávjjus ii leat máŋgga jahkái leamaš aktiiva nissonjoavku.
– Jus muittán riekta, de ii leat Ávjjus leamaš nissonjoavku dan rájes go mun álgen jođiheaddjin. Nu ahte lea oalle máŋga jagi dassái.
Beroštupmi spábbačiekčamii
Tangen lea vuohttán ahte Kárášjoga nuorain lea beroštupmi spábbačiekčamii, ja leat maid ieža jearahan spábbačiekčanfálaldaga. Dál go áigot fas ealáskahttit nissonjoavkku spábbačiekčamis, de sávvá Tangen ahte nuorat servet.
– Olut nuorat, geat ledje fárren eret gilis, leat dál fas máhccan ruoktot. Dat mearkkaša ahte midjiide soitet fas gártat čiekčit, dadjá son.
Son muitala ahte Kárášjoga nuorat, geat ovdal leat čiekčat Porsáŋggu ovddas, maid mieđihit iežaset máhccat ruovttugili jovkui.
Geahččalit fas
Dál go joavku lea dieđihuvvon ráidočiekčamii, de sávvet lihkostuvvat.
– Mii geahččaleimmet diibmá, eat ge lihkostuvvan, muhto dál geahččalit fas, ja fertet de oaidnit movt manaš. Mus gal lea buorre doaivva, loahpaha son.
ingermarita@avvir.no