– Livččii leamaš dehálaš beassat ráđđái, muhto leat dušše vihtta saji doppe
Guovddášbellodaga sámediggeáirasa mielas livččii leamaš dehálaš ahte sin bellodatolmmoš livččii beassan Sámediggeráđđái, muhto mieđiha ahte eai buohkat čága dohko.
Mánnodatiđida almmuhii Sámediggi geat galget leat ráđđelahtut boahttevaš njeallje jagi. Norgga Sámiid Riikasearvi (NSR) diehttelasatleateanetlogusráđis,muhto čájehuvvo ahte stuorimus ovttasbargobellodat NSR:I, Guovddášbellodat, ii beassan ráđđái. Dan ovtta ráđđesaji man NSR juolludii ovttasbargoguimmiide, dan galget Johttisápmelaččaid listu (JSL) ja Åarjel Saemiej-gïelh (ÅSG) juogadit, guokte jagi goabbáge ráđis.
Livččii dehálaš
Guovddášbellodaga sámediggeáirras, Hans Ole Eira, mieđiha ahte livččii leamaš sidjiide dehálaš beassat ráđđái, muhto ii jullon sadji.
– Na, dat šattai goit dál nie, ahte mii eat beassan ráđđái. Doppe eai leat go vihtta saji, ja buohkat eai čága dohko, lohká Hans Ole Eira.
Dehálaš posišuvnnat
Eira ii loga iežaset dan dihte duhtameahttumin, vaikke vel eai beassan ge ráđđái.
– Mii oaččuimet goitge golbma dehálaš posišuvnna, go galgat jođihit plána- ja finánsalávdegotti, mii nammadit politihkalaš ráđđeaddi Sámediggeráđđái ja jođihit siskkáldas vuođđoealáhuslávdegotti. – Geaid dii daidda posišuvnnaide lehpet válljen?
– Mii eat leat oalát mearridan geaid mii nammadit daidda posišuvnnaide, muhto dat čielgá goit dán vahku, lohká son loahpas vel.