– In geassát Nbr-jođiheaddjin
Vaikke Nbr-jođiheaddji galgá Sámediggeráđđái guovtti jagi geahčen, de son ii loga iežas dainna seammás maid geassádit NBR:S.
Dál čájehuvvo ahte Åarjel Saemiej-gïelh galgá Sámediggeráđis leat guovtti jagi geahčen, de ii loga Norgga Boazosápmelaččaid Riikasearvvi jođiheaddji, Ellinor Marita Jåma, ahte dat mearkkaša dan seamma go ahte son ii leat šat válggas šaddat fas Nbr-jođiheaddjin guovtti jagi geahčen.
– Ii, dat gal ii mearkkaš dan ahte lean dál juo geassádan. Mun barggan dainna lágiin ahte lean dál Nbr-jođiheaddji, ja guovtti jagi geahčen lea fas válga, ja mun in sáhte dadjat mii guovtti jagi geahčen sáhttá dáhpáhuvvat, lohká son.
Olu bargu
Jåma, gii ovdal lea leamašan Sámedikki ráđđelahttu, lohká diehtit man olu bargu lea leahkit ráđđelahttun.
– Mun dieđán man olu bargu lea maid NBR jođihit, nu ahte dat sáhttá leat ahte jus goappaš sajiin galgá leat dalle fertešedje eambbo go 24 diimmu jándoris jus galgá ollet visot bargat maid galgá, lohká son. Na ii go dat leat ge maid dat seamma go ahte goappaš virggiid it nagot doaimmahit, go lea nu olu bargu, ja nuppis šaddá luohpat?
– Nu go dadjen, de lea NBR:S jođiheaddjeválga guovtti jagi geahčen, ja doppe ii dieđe movt manná. Nu ahte mun válljen fokuseret baicca dál leat Nbrjođiheaddjin ja sámediggeáirrasin. Mii guovtti jagi geahčen dáhpáhuvvá, dan in dieđe vuos dál, lohká son.
nilsjohan@avvir.no