Báhttermetállat divron
Ragnar Olsen nammaduvvon riddárin
Majestehtalaš Gonagas lea nammadan musihkkára, jorgaleaddji ja dramatihkkára, romsalačča Ragnar Olsena, Gonagaslaš Norgga St. Olav riddárin su norgalaš kultureallima áŋgiruššama dihtii, dieđiha Hålogalánda Teáhter preassadieđáhusas.
Ragnar Olsen lea 50 jagis geargan olu bargat, sihke lávllačállin, musihkkárin ja jorgaleaddjin. Son lea Hålogalándda Teáhterii jorgalan olu teáhterbihtáid, maŋimuš Jon Fosse čálus «Sønnen» ( bárdni) ja «The sound of music» musihkabihtá mii čájehuvvo vuosttaš geardde Scene Vest lávddis golggotmánu 12. beaivvi. Hålogalándda Teáhteris illudit ja lohket son duođaid ánssáša dan. Golggotmánu 13. beaivvi, bearjadaga, geige Romssa doaibmi fylkkamánni Bård M. Pedersen dán medálja Ragnar Olsenii.
Ragnar Olsen lea riegádan miessemánu 26. beaivvi Romssas, lea norgalaš čálli ja lávllamusihkkár, bajásšaddan Leaŋgáviikkas Romssas. Báhttermetállaid, litium ja kobolt, hattit leat hirbmadit maŋimuš áiggi lassánan go máilmmi biilabuvttadeaddjit leat ráhkadišgoahtán biillaid mat geavahit elrávnnji, čállá svt.se.
Dát sáhttá dagahit ahte ruvkedoaibma álggahuvvo Kiskamavaaras Vazáš davábealde Norrbotten leanas Davvi-ruoŧas. Dán guovllus lea gávdnan eanemus kobolta metálla olles Ruoŧas.
– Doppe lea gávdnan eanemus koboltta olles Ruoŧas ja Austrália fitnodat Talga Resources lea justa dál iskamin dan dainna ulbmiliin ahte sáhtášii dáppe rahpat ruvkke, lohká fitnodaga diehtojuohkki Roger Hällhag.
Son muitala sii doivot doppe lea nu olu gánnáhahtti koboltta, go kobolta dárbbašuvvo biilabáhtteriidda jus biillat galget boahtteáiggis geavahit elrávnnji. Eiseválddit Bergstaten báktemeašttir Åsa Persson Julevus lohká beroštupmi ohcat báhttermetállaid lea hirbmadit lassánan.
Diibmá ohce 17:s ja dán agi lea logis ohcan ja daid ovddit jagi ohce dušše moattis. Handelsbanken ávnnasstratega Martin Jansson lohká litium ja kobolt leat golmma geardde divron maŋimuš jagi nu ahte lea šaddan gánnáhahttin roggat daid dain guovlluin gos ovdal ii lean gánnáhahtti.
Go lea nu stuorra dárbu báhttermetállaide, de lea Ruoŧa geologalaš iskamat árvvoštallamin galget go klassifiseret Kiskamvaara koboltta riikaberoštupmin, mii livčče buorre Talga resource fitnodahkii.
Kiskamaavaara lea lahka Lainioälven ja bohcco guohtunguovlluid ja Talga resources dihtet dát sáhttá boktit vuostálastima.