– Dul­kon ah­te ái­gu duv­dit min eret

Avvir - - OĐĐASAT - In­ga Ma­rie Gutt­orm in­ga@av­vir.no

Laini­ovuo­ma če­aru ovda­olbmo As­lat Sim­ma mie­las lea Norg­ga ea­nan­do­al­lo- ja biebmo­mi­nis­ta­ra evtto­hus badjel bávt­ti.

– Mun dul­kon dan nu ah­te ái­go duv­dit min eret ja gid­det rájá, go álgá sá­gastit gozi­hit min boazo­lo­guid. In dieđe man vuođul sus lea vuođđu čuočču­hit ah­te mis le­at be­are stuor­ra ealut, muhto su čuočču­hu­sat eai jeage čázi, lo­hká As­lat Sim­ma

Če­ar­ru loa­h­pa­huv­vo

Laini­ovuo­ma če­ar­ru lea áiggi­id čađa guohtun Norg­gas, ja As­lat Sim­ma ču­ju­ha lappe­ko­di­sil­lii.

– Mu ip­már­dus lea ah­te gea­hčča­la vugi­id gávd­nat mo bis­se­hit min gea­va­hea­mes ieža­met ár­bevi­ro­laš guohtuneat­nami­id. Or­ru leam­en dakkár ulbmil duogá­beal­de evtto­husa. Jus ov­dame­ark­ka dihtii na­go­da gid­det rájá, de dat me­ark­kaša ah­te če­ar­ru loa­h­pa­huv­vo, go mis ii le­at eará sadji go­sa johtit, dad­já Sim­ma, geas lea stuor­ra oas­si guohtuneat­nami­in Norg­gas.

Fer­te ve­aháš eal­lu jus galgá bir­get

Son imašta maid Norg­ga mi­nist­tar čuočču­husa ah­te Ruoŧa ealut le­at laskan.

– Jus galgá bohc­cui­guin bir­get, de fer­te vis­sis me­ar­ri. Golmmain heak­kain ii bir­ge, fer­te ve­aháš eal­lu. Mii bar­gat boazo­lo­guin čađat, eai ge mis le­at be­are ollu eat­na­mat, eai eat­na­mat gierd­da dan, dal­le gur­bet, čil­ge Laini­ovuo­ma če­aru ovda­olm­moš.

As­lat Simmai oaiv­vil­da ah­te lea áddemeaht­tun ah­te Norg­ga eise­váld­dit há­li­i­dit me­ar­ri­dit Ruoŧa boazo­lo­gu.

Newspapers in Northern Sami

Newspapers from Norway

© PressReader. All rights reserved.