Juohká olbmuide šelggoniid
Biilavuoddjis Lise Ommas leat álo šelggonat mielde, ja dáid son fállá olbmuide geat leat vajálduhttán sevdnjes skábman bidjat alcceseaset šelggona. Sutnje lea dehálaš eastadit lihkohisvuođaid go ieš masá massii nieiddas fasttes biilalihkohisvuođas.
Dušše juohke goalmmát olmmoš geavahii šelggona čoahkkebáikkiin diibmá ja doaresbeale geainnuin ges bidje 46 proseantta šelggona, čájehit Trygg Trafikk logut. Romsalaš Lise Omma maid vuohttá ahte olbmot šluhttejit šelggon-
Vásihan lihkohisvuođaid
Gieskat massii Lise Omma vilbealis fasttes lihkohisvuođas DavviRomssas, ja 2003 loahpageahčen vásihii son ilgadis biilalihkohisvuođa. Romssas lei unnán muohta, biegga ja gálja geainnut go Lise ii šat nákcen doalahit biilla geainnu alde.
– Mu 7-jahkásaš nieiddaš roasmmohuvai garrasit ja masá jámii lihkohisvuođas, doaktárat
Šelggon sáhttá beastit
39 proseantta vázzi olbmuin, geat dušše johtolagas 2005-2014 áigodagas, vuddjojedje seavdnjadin.
– Lea hirbmat dehálaš ahte olbmot geavahit šelggona vai biilavuoddjit fuomášit sin. Šelggon sáhttá beastit olbmo heakka. Mun jáhkán oallugat šluhttejit šelggongeavaheami go jurdilit ahte lihkohisvuohta ii deaivit sutnje, earát ges soitet vajálduhttit šelggona ruoktot. Oallugat han vulget ruovttus čuovgadin, ja dalle ii fuo-
Dehálaš movttiidahttit
Vaikke oallugat gárvodit sevdnjes biktasiin ja šluhttejit šelggoniin, de vásiha Lise Omma ahte oallugat maiddái leat čeahpit geavahit šelggona. Su mielas lea maid hui dehálaš ávžžuhit nubbi nuppi geavahit šelggona.
– Mánáid lea maid hui dehálaš oahpahit geavahit šelggoniid. Mus lea 4-jahkásaš áhkkut ja su lean dájuhan geavahit šelggoniid. Lean maid oastán sutnje dakkár šelggoniid mat boktet su beroštumi. Son liiko ovdamearkka dihtii dákterikkiide ja beatnagiidda, ja dalle lean oastán sutnje šelggoniid mat leat hábmejuvvon dákteriggin dahje beanan, dadjá son.
Áŋgiruššá
Vai eambbosat geavahivčče šelggoniid, de muitalii Lise Omma iežas áŋgiruššama birra sosiála mediain.
– Mun ávžžuhan eará biilavuddjiid maid čohkket nuvttá šelggoniid ja daid juohkit vázziide geain ii oidno šelggon. Lea maid vuogas juohkit šelggoniid govaid sosiála mediain go de fuomášuhttá daid dehálašvuođa. Lean vuohttán ahte šelggonat áŋgiruššet oallugiid Facebookas. Muhtin biilavuoddjit bivdet olbmuid geavahit šelggoniid vai eai gárttaše eahpedáhtolaš olmmošgoddin ja earát ges ávžžuhit šluhttejeddjiid dieđihit iežaset donorin, loahpaha Lise Omma.
kila@avvir.no