HOROSKOHPA - boahtte vahkku

FIERCA 21/3-19/4

Muhtin vuorddekeahtes ruđat geahpedit ruhtadili, muhto soaitá don fertet eanet návccaid geavahit dasa go ledjet rehkenastán. Energiija- ja riidoplanehta buktá dutnje bargomovtta, muhto sáhtát maid šaddat vuovdnábun it ge dohkket buot maid ovdal leat dohkkehan. Jus riidduid áiggut garvit, de lea vuogas smiehtastit ovdal go dajat maidige.

VUOKSÁ 20/4-21/5

Don čuovggat šiegavuođain ja olbmot gehččet positiivvalaččat dutnje. Don sáhtát maid romantihka dillái boahtit, muhto ale fal leat menddo positiiva ahte dohkkehat buot jallaid vai dohkkehuvvot earáide. Ovttasbargu lea dutnje dál hui dehálaš, ja dárbbašat earáin veahki vai olahat dan maid leat áigon. Lea olu buoret ja ávkkálaš miehtegulgii njávkat ovdal go láitit maidige.

JUMEŽAT 21/5-21/6

Dál oaččut bures oktavuođa amas olbmuiguin ja sáhtát háleštit singuin sin ságaid. Dál lea dus dárbbašlaš hástalusaide, muhto vásihat ahte fertet vuos sadjái oažžut daid rutiidnabargguid mat gáibidit skihkalaš doaimmaid. Don dovddat ahte lea du geatnegasvuohta oažžut áššiid doaibmat jus galggaš bures mannat, muhto muitte fal jus alccet dohppet dan ovddasvástádusa mii earáide galgá, de sii masset vejolašvuođa oahppat.

REABBÁ 22/6-22/7

Orut dovdamin hávkamin ruovttus ja danin šattat diliheapme ja garppastalat. Dál fertet guimmiin juoga gávdnat bargat ovttas, erotihkka libarda ja romantihkka lieđđu. Dát guoská maid oktonas olbmuide jus leat dasa rahpasat. Dál leat hutkái ja dárbbašat molsašumi ja juoga geavvama. Šaddá deháleabbon suohtastallat ja dovdat friddjavuođa ovdal go doaimmahit daid beaivválaš geatnegasvuođaid.

LEDJON 23/7-22/8

Dál lea vuogas áigi bargat ovttas lagamuččaiguin, erenoamážit singuin geaid dovddat bures, sidjiide lea álki dadjat maid oaivvildat ovdal go buot duššiid hállat. Jus dan garvvát, de lea vejolašvuohta juoga bargat ovttas, don leat hutkái ja oainnát vejolašvuođaid dakko gokko dábálaččat smiehtat eará. Don háleštat geahppadit buriid olbmuid gaskkas, ja ođđa skihpáriiguin oahpásnuvat.

BUHTISNIEIDA 23/8-22/9

Oappáiguin/vieljaiguin ja lagaš fulkkiiguin lea gulahallan buorre, ja muhtin oktasašprošeakta vel ilbmá masa čatnabehtet stuorra vuordámušaid. Lea vuogas jus sáhtát plánet vahkku doaimmaid amas it duvvaluva. Don fuomášat juoga mas gáttát dietnasa, muhto vuorddes ovdal go bijat dasa iežat sestojuvvon ruđaid. Don investeret smiehtakeahttá, easka maŋŋá smiehtastat.

VIEHKAT 23/9-22/10

Dál lea dus bargomokta ja leat viššal, muhto suhttu lea njunis njálbmái. Danin fertet ge buoremus láhkái áššiid doaimmahit. Ruhtadilli lea buorráneamen ja soaittát oastit juoga masa leat guhká niegadan dahje mii addá dutnje daid liigenávccaid dahje buorredovddu. Don dan dieđusge ánssášat, muhto lea vuogas jus muitalit guoibmái vai ii šatta mihkkege riidduid dainna.

SKORPIUVDNA 23/10-21/11

Lea ollu mii geavvá du birra dál go dán násttis leat ollu lihkadeamit. Dan liekkusvuođa maid dál čájehat fuomášit olusat, ja dat dahká ahte dus lea dat dohkkeheapmi ja optimisttalaš luohttevašvuohta mii dagaha du gelddolažžan. Dus leat fámut ja bargomokta ja barggat dan maid áigá juo livččet galgan bargat, muhto ale fal vajálduhte ovttasbarggu. Dál lea vuogas áigi álggahit ovddeš ja ođđa gaskavuođa.

BÁHČČI 22/11-21/12

Vahkkoloahpa de gávnnat fas boares skihpáriin oktavuođa. Dál galggat fokuseret dasa masa dudnos lea oktasaš beroštupmi, iige rohttehii maidige unohisvuođaid. Muhtin bargu man leat maŋidan ja gáddán leat dainna geargan, dat fas bohciida ja vaikke don galggat dainna bargat, de dovddat ahte ii oro guoskamin dattetge dutnje dát ášši. Čorges eret boares geatnegasvuođaid vai vásihat ođđa movtta.

BÁKTEBOHKKÁ 22/12-19/1

Dál lea dus eanet jáhkku alccet ja leat eanet iešheanalaš go lávet ja dárbbašat iežat vuohkái bargat. Don sáhtát šaddat mášoheapmin, nu ahte fertet smiehttat eanet ovttasbarggu ja fokuseret oktavuođaid. Dál lea áigi viiddidit fieskki ja deaivvadit dakkár olbmuiguin geat smihttet seammá láhkái go don. Smiehtakeahttá dahje sáhtát maid iešdáhtus ohcat ovdáneami earáin ovttas, dat addá vejolašvuođaid viiddidit fieskki.

ČÁHCEOLMMÁI 20/1-18/2

Don leat guoibmái ja diplomáhtalaš ja ráhkadat oktavuođaid movttain, dan seammás leat mearrideaddji. Stuorra vuordámušaiguin dohppet jođiheaddji vugiid dahje válddát oktavuođa muhtimiin gean anát árvvus. Doalat iežat prinsihpaid vaikke lea ovttasbargu earáiguin persovnnalaš ovddideapmái. Jus áiggut olahit sukseassa, de lea das gitta ahte guktot bealit fertejit ložžet.

GUOLIT 19/2-20/3

Don deaivvadat muhtimiin geas eai leat árbevirolaš oainnut. Dat fuomášuhttá ahte don dárbbašat mentálalaččat ovdánit dahje geahččat vejolašvuođaid ođđa čalmmiiguin. Dát guoská erenoamážit ođđa oahpásnuvvamiidda, gos digaštallama oktavuođas vásihat oaiviliid maid livččet álggus badjelgeahččan, muhto das lea stuorát mearkkašupmi maŋit áigái, go de leat beassan lagabut smiehtastit.