Háv­di mii ii bál­le rá­fis

Avvir - - OĐĐASAT - Josef Isak Ut­si

Nje­alját há­ve le­at bi­lii­dan geađge­hávd­di mii lea Sálli­ris. Roms­sa fyl­ka­suo­hkan váidá dán há­ve maid bilideami po­liti­i­jai­de.

Roms­sa fyl­kka­suo­hkan lea dieđi­han Roms­sa Po­liti­i­ja­guv­lui, ah­te sii ái­got vái­dit po­liti­i­jai­de go geađge­háv­di, mii lea Sálli­ris, Roms­sa suo­hka­nis, lea vuot moive­juv­von. Bilide­ap­mi fu­omášuv­vui goalm­mát há­ve bor­gemá­nus di­ibmá, go Stáhta Luond­du­be­ar­ráige­a­hčču fi­nai is­ka­min dan hávd­di. Čakčamá­nus fas ožžo dieđu, ah­te háv­di lea vuot li­hka­hal­lon.

Ov­dal li­hka­hal­lon

Vuost­taš há­ve go fu­omášuv­vui bilide­ap­mi lei 2014:s. Dal­le lei stuor­ra rág­gu lokte­juv­von eret mii lea hávd­di al­de. Dal­le is­kkai bil­lideami ar­keo­loga gii bi­jai geađg­gi sad­jái. Jagi maŋŋel fas fu­omášuv­vui bilide­ap­mi. Dal­le vái­dui ášši po­liti­i­jai­de mat heaitti­hed­je ášši. Dan há­ve maid div­vo ar­keo­lo­gat hávd­di. Man­nan bor­gemá­nus fu­omášii Stáhta Luond­du­be­ar­ráige­a­hčču bilidea- mi man le­at do­ku­men­te­ren.

Čakčamánu loa­h­pas fas ožžo dieđu, ah­te háv­di lea li­hka­hal­lon. Dal­le lei juo nu maŋŋit ái­gi, ah­te eai šad­dan is­kat dár­kile­ap­pot man ollu lea bili­duv­von. Roms­sa fyl­kka­suo­hkan lea me­ar­ri­dan ah­te dán há­ve maid vái­det bilideami po­liti­i­jai­de.

Ráfái­duht­ton kul­tur­mui­tu

Dát háv­di lea nje­all­je meh­te­ra jor­bo­da­hkii ja sul­lii meh­ter­bea­li alu. Dat lea bor­do­juv­von geđggii­guin ja rákkui­guin ieš­guđet stur­ro­da­gain. Dál lea stuor­ra oas­si hávd­dis sám­má­luv­van. Dán hávd­di la­h­ka lea maid cegge­juv­von šil­ta mas čil­ge­juv­vo ah­te dat lea ráfái­duht­ton kul­tur­mui­tu man al­de ii le­at lo­hpi čuožžut ge.

Dál árvvoštallet ah­te háv­di lea moive­juv­von man­nan geasi, ja árvvoštallet ah­te son da­hje sii geat le­at moi­ven hávd­di le­at gea­hččalan is­kat le­at go hávd­dis div­rras dáv­vi­rat.

Ái­got gáibidit buhta­dit go­luid

Vuost­taš há­ve go háv­di is­kui 1968:s, de ii lean háv­di goas­se li­hka­hal­lon maŋŋel go lei ása­huv­von. Lea ge hui hár­ve ah­te gávd­no­jit hávd­dit ru­ov­deáig­gis mat eai le­at roggojuv­von.

Roms­sa fyl­kka­suo­hkana kul­tu­r­etáhtas čál­let vi­idá­sat ah­te sii eai dieđe lea go se­am­ma olm­moš gii ain moi­ve hávd­di. Kul­tu­r­etáhta bea­lis dieđi­hit ah­te sii gáibidit buhta­dit go­luid jus ve­ar­re­da­hk­ki gávd­no. Fyl­kka­suo­hkan lea dál plá­ne­me ovt­tas Roms­sa muse­ain di­vo­dan­barg­guid, muhto eai dieđe vuos man stuora go­lut šad­det.

isak@av­vir.no

Gov­va: Stáhta Luond­du­be­ar­ráige­a­hčču/bi­ras­di­rek­toráht­ta, Dag Sti­an

FUOMÁŠAN HÁVD­DI BIL­LIDEAMI: Man­nan čavčča fu­omášed­je ah­te dát geađe­háv­di Sálli­ris lea vuot roggon. Geađg­git, mat le­at russe­juv­von, le­at sir­don.

Newspapers in Northern Sami

Newspapers from Norway

© PressReader. All rights reserved.