HOROSKOHPA - boahtte vahkku
FIERCA 21/3-19/4
Fáhkka fuomášat bargat juoga ođđa dál vahkku álggus. Viidáseappot karrierii ja geidnui šaddá dál deháleabbon. Dál leat maid rávásmuvvan dan muddui ahte dat addá dutnje oadjebasvuođa ja dohkkejumi, dan seammás go hástaluvvot ođđa áššiide. Olbmuiguin deaivvadat čiekŋalut dásis ja soaitá don gávnnat vel ođđa árvvuid ovddeš gaskavuođas. Dál lea vuogas áigi ovttasbargui, erenoamážit ruhtadilis.
VUOKSÁ 20/4-21/5
Dál leat erenoamáš sosiála ja duostil ja maiddái bargonávccat buktet buriid vuosttas oaidnaleamis. Muhto don sáhtát leat maid vuovdnái ja čájehat unnán dovdduid ja sáhtát maid šaddat nu movttegin ahte earát dovdet iežaset bázahallan. Persovnnalaš ovdáneapmi lea dehálaš dutnje dál, muhto dan seammás doalahat gitta daid ovddeš gáttuide mo máilbmi galgá leat. Mo jus dán jagi álggát kursii gos oahpat eará láhkái smiehttat?
JUMEŽAT 21/5-21/6
Barggus loavttát bures, ja leat maiddái liigenávccat bargoskihpáriidda. Muđui sáhttá leat dus hoahppu, it ge leat várrugas, lea váralaš badjelmeare bargat. Ruhtadilis fertet gieđahallat almmolaš ásahusaid gáibádusaid dahje fertet ovttasbargat earáin mii doalaha iežas oaiviliid. Guktuid dilálašvuođas lea dehálaš doalahit geatnegasvuođaidat ja bargat buot formálalaččat riekta.
REABBÁ 22/6-22/7
Lagaš gaskavuođat ja relašuvnnat leat hui garrasit dál fokusis. Sáhttet šaddat ollu doaimmat sihke feasttaid ja čoahkkimiid oktavuođas, ja doppe oahpásnuvat earáiguin. Lea vuogas buhtistit áimmu, ovdamearkka dihtii háleštit dan birra mii deaddá ja dohkkehit daid váikkuhusaid. Soitet ovddeš gaskavuođat fas ovdánit, dahje guoibmi fuomáša juoga ođđa.
LEDJON 23/7-22/8
Dál bijat ollu návccaid ruoktot dahje bearraša oktavuhtii. Don fertet gearggahit juoga mainna leat álgán ja joavdat viidáseappot ja álggahat ođđa prošeavtta. Soaitá don viimmáskat dainna ja bearraša mielas orru dat šaddamin eambbo go doarvái. Dál it nu beroš dearvvašvuođas, ja láikošat ovdal go lášmmohallat ja dikšut rupmaša. Nu ahte dál lea áigi álggahit ođđa positiiva rutiinnaid.
BUHTISNIEIDA 23/8-22/9
Vuosttažettiin leat suohtastallamat, romantihkka ja erotihkka dus dál guovddážis, ja vahkku álgá ge fáhkkestaga suohtastallamiiguin. Muhto dan seammás leat dus geatnegasvuođat ja ovddasvástádus, soaitá don fertet válljet maid áiggut eallimis. Dus leat máŋga jurdaga, ja leat doaimmalaš máŋgga áššái oktanaga. Ii daga maidige jus plánet beivviidat buorebut.
VIEHKAT 23/9-22/10
Rievdadusat dovdojit ruovttus, dan seammás go háliidat doalahit dan masa leat oahpis ja oadjebas. Don fertet várra geahččat ovddasguvlui ja dohkkehit ahte máilbmi ovdána. Ruhtadilli maid buorránišgoahtá, ja ođđa vejolašvuođat ihtet, dahje olahat dan maid leat guhká jo áibbašan. Muhto sáhtát johtilit šaddat menddo áŋgir investeret smiehtakeahttá.
SKORPIUVDNA 23/10-21/11
Dál lea dus dat mokta mii galgá álggahit juoga ođđa ja leat maid návccat ollašuhttit dan. Muhto sáhtát maid šaddat menddo vuovdnájin iežat fuomášumiid čađahit, vaikke leat ákkastallamat ja vuosttaldeapmi dasa. Nie sáhttet šaddat riiddut, ja dál it oro gierdamin cuiggodemiid, ja vástidat čielgasit daidda. Vahku álggus beasat humadit váttes ášši birra.
BÁHČČI 22/11-21/12
Dál lea vuogas áigi mediteregoahtit ja guorahaddat iežat eallima vai dovdagoađát iežat siskkáldasat. Don leat eanet rabas dál ja oaččut fáhkkestaga vuoiŋŋalaš dovddu jus jo dohkkehat dan. Ruhtadilli lea gáibidahtti, ja álgovahkus oaččut fáhkkestaga juoga fuomášahtti vuoittu dahje aha-vásáhusa. Muhto dilli ii leat vel nu čielggas, nu ahte smiehtas ovdal go golahat iežat ruđaid maid leat seastán.
BÁKTEBOHKKÁ 22/12-19/1
Dovddat ođđa vuolggasajis ja ollu geavvá du birra justa dál. Álgovahkus geavvá vuorddekeahtes deaivvadeapmi, mii soaitá du dili rievdadit. Das oainnát ođđa vejolašvuođaid, dan seammás eahpidat go dovddat geatnegasvuohta ja ovddasvástádus caggá du dahkamis dan maid áiggošit. Ustibiid gaskkas sáhtát dál bargat konstruktiivvalaččat dainna masa dus duođai lea jáhkku.
ČÁHCEOLMMÁI 20/1-18/2
Siskkáldasat leamaš dus moivi. Dan ledjet vajálduhttán dahje hoigadan eret, muhto dál fas badjána ja beasat dan bargagoahtit eret. Liikosteapmi lea maid boađi boađi. Barggu dahje skuvlla oktavuođas čađahat juoga mas oaččut rámi ja bálkkašumi. Soaittát dál fuomášit hoigadit eret dan masa it leamaš nu duhtavaš ja álggahit juoga ođđa.
GUOLIT 19/2-20/3
Oaivilat ja eallinoaidnu leat dál guovddážis, ja muhtimat sáhttet jearrat dan «duohtavuođa» maid don soaittát atnán diehttelassan. Dat earduda du, muhto das sáhttá leat ávkin, ja soaitá don dárbbašat ođđa vuogi joavdat mentálalaččat viidáseappot. Dat sáhttá guoskat dan oktavuhtii mii dus lea ustitbirrasis dahje organisašuvnnas, ja de fertet vuorddašit juoga ođđasa ja vuorddekeahttá.