150 000 olbmos lea geahpesdávda Norggas
Juohke guoktelogát olbmos, gii lea badjel 40 jagi boaris, lea geahpesdávda.
Ii leat leamaš čielggas gallásis lea geahpesdávda Norggas.
Sivvan lea go eatnasiin eai leat garra dávddat ja ollugat eai dieđe sis lea geahpesdávda.
Stuora oasis dávda
Ođđa loguid leat viežžan dearvvašvuođaregistariin ja dearvvašvuođaiskkadeamis Romssas ja eará dutkamis. Fágabirrasat Bergena, Tråante ja Romssa universitehtain leat geahčadan bohtosiid, dasa lassin maid Álbmotdearvvašvuođainstituhtta. Boađus čájeha ahte birrasii guhtta proseantta álbmogis, geat leat badjel 40 jagi boarrásat, lea dát dávda.
Ii beasa eret dávddas
– Geahpesdávda lea buozalmasvuohta mas geahppát bissovaččat hejot doibmet, ja váldosiv- va lea borgguheapmi, muhto maiddái gavjjat bargobirrasis sáhttet leat sivvan dávdii, čilge doavttir Per Nafstad, gii bargá Álbmotdearvvašvuođainstituhtas.
Sii geat leat eanemusat fáhtehallan dávdii šaddet dávjá leat buohcciviesus, earenoamážit go sis lea golgodávda ja eará vuoigŋanváddu. Dávddas ii beasa eret, muhto dikšu sáhttá buoridit dávdamearkkaid, ja ávkkuha earenoamážit heaitit borgguheames.
Okta dan njealji dávddas
Geahpesdávda lea okta din njealji dávddas mii addá eanet riskka oažžut dávdda go borgguha, borrandábi dihte, fysalaš lihkadeami dihte ja alkohola dihte. Dat eará dávddat leat váibmo- ja varrasuotnadávda, borasdávda ja sohkardávda.
(©NTB)